Ummat me Ikhtelaf Ka Anjaam – Junge Ohad Ki Ek Misaal

Junge-Ohad Me Sahaba Ne Ek Nafarmani Ki Thi Rasool’Allah (Sallallahu Alaihay Wasallam) Ki, Allah Rabbul Izzat Ne Uska Kya Natija Kiya Hum Sab Jantey Hai, Lekin Afsos Ke Hum Uss Wakiye Se Ibrat Hasil Nahi Karte ,..

*Junge Ohad Me Aap (Sallallahu Alaihay Wasallam) Ne 50 Sahaba Ko Pahad Ke Dusri Taraf Khada Kiya , Ke Jung Ek Taraf Chal Rahi Hai , Lekin Agar Kahi Dushman Dusri Taraf Se Aakar Pichey Se Waar Karne Lag Jaye Tou Musalmaano Ka Bachna Mushkil Hai ,..
– Lihaja Rasool’Allah Ne Pahad Ke Dusri Tarah 50 Teerandaz Sahaba Ko Tainaat Rakha ,.. Taaki Agar Dushman Waha Se Aaye Tou Unhe Rok Sakey,..

*Fir Jab Allah Rabbul Izzat Ne Musalmaano Ko Pehli-Pehli Fatah Dena Shuru Kar Di Aur Dushman Bhagney Lagey Tou Wo Sahaba Jo 50 Khadey They Unhone Ikhtelaaf Shuru Kar Diya Ke –
– Ab Hum Yaha Se Nichey Utar Jaye Taaki Maal-e-Ganimat (Dushmano Ka Chuta Hua Maal) Jama Kar Sakey.. 40 Sahaba Pahad Se Utar Gaye Aur 10 Sahaba Rasool’Allah Ki Ita’at Kartey Hue Apni Jagah Par Tainaat Rahe ,..

– Natijatan Jis Baat Ka Darr Tha Wohi Hua Aur Pahad Ke Pichey Ke Rastey Se Khalid-Bin-Walid (Jo Abhi Iman Nahi Laye They) Unhone Musalmano Par Hamla Kiya ,.. Wo 10 Sahaba Unpar Kamjor Pad Gaye Aur Shahid Kar Diye Gaye ,..

# Isi Baat Ko Allah Rabbul Izzat Ne Quraan Me Youn Dohraya Aur Kaha:
Bilashuba Allah Ne Jo Tumko Fateh Ka Wada Kiya Tha Usko Pura Kar Chuka Tha ,..
Jabki Dushmano Ko Allah Ke Hukm Se Tum Khub Shikast De Rahe They,.
Lekin Tumne Buzdili Dikhayi , Nabi Ke Hukm Se Jhagdne Lagey,
Aur Apni Pasandida Cheez (Maal-e-Ganimat) Ke Liye Tum Nikal Gaye ,..
Tum Me Se Kuch Wo They Jo Duniya Chahtey They,
Aur Kuch Wo They Jo Aakhirat Chahtey They,.”

– (Al-Quran 3:152) – @[156344474474186:]

… Tou Rasool’Allah (Sallallahu Alaihay Wasallam) Ke Sirf Ek Hukm Ki Mukhalifat se Kitna Bada Nuqsaan Uthaya Sahaba Ne,.. Hum Sab Jante Hai Ke Isme Rasool’Allah Par Janlewaa Humala Bhi Hua Tha …

*Aaj Hume Bhi Gour Karna Chahiye Ke
– Humare Aapsi Ikhtelaf Ki Vajah Se Baaz Shirr-Pasand Log Kis Zaat-e-Mukaddas Ki Shan Me Gustakhi Kar Rahe Hai ,…

*Mere Azeez Dosto!!!
– Bhaley Hum’me Laakh Fikri Ikhtelaaf Ho ,
– Lekin Hume Koi Bhi Harkat Karne Se Pehle Sochna Chahiye Ke
– Kahi Humari Ye Bewakufi Humare Nabi Ki Shaan Me Gustakhi Ki VajahTou Na Ban Jaye ,..

♥ Allah Rabbul Izzat Se Dua Hai Ke –
# Allah Hum Sabko Ek Aur Nek Banaye ,..
# Hume Sirat-e-Mustaqeem Par Chalaye..
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

Leave a Reply