Sunnat-Ki-Ahmiyat-12

Sunnat Ki Ahmiyat : Part-12

# Rasool’Allah (Sallallahu Alaihay Wasallam) Ka Muqaam :
*Nabi-e-Kareem (Sallallahu Alaihay Wasallam) Ka Muqaam Kya Hai Iss Baarey Me Quraan Me Allah Rabbul Izzat Ek Aur Jagah Farmata Hai Ke –
♥ Al-Quraan: “Tou Qasam Hai Tere Rab Ki! (Allah Apni Qasam Kha Kar Kehta Hai) Yeh Log Imaanwale Nahi Ho Saktey Jab Tak Ke Apne Tamam Ikhtelaaf Me Aap (Sallallahu Alaihay Wasallam) Ko Haaqim Na Bana Ley. Aur Jo Faisla Aap Suna Dey Tou Usko Taslim (Kabool) Na Karey Tab Tak Ye Log Imaanwale Nahi Ho Saktey..” – [Surah (4) Nisa: Ayat-65] – @[156344474474186:]

*Tou Koi Shakhs Apne Aapko Imaanwala Kahe Aur Rasool’Allah (Sallallahu Alaihay Wasallam) Ke Tareeke Pe Naa Chaley Tou Fir Yaad Rakhiye Ke Allah Ne Apni Qasam Kha Ker Farmaya Ke Wo Shakhs Imaanwala Nahi Ho Sakta ,..
– Fir Wo Shakhs Chahey Kitna Hi Dawa Kare Musalman Hone Ka, Lekin Rab Ke Nazdeek Wo Imanwala Nahi Ho Sakta Jo Apne Tamaam Ikhtelafat Me Rasool’Allah (Sallallahu Alaihay Wasallam) Ko Haakim Na Manta Ho..

# Rasool’Allah (Sallallahu Alaihay Wasallam) Ki Nafarmani Ka Anzaam:
Aayiye Gour Karte Hai Ispar Ke Rabuul Izzat Iss Talluk Se Kya Bayan Fermata Hai?
♥ Al-Quraan: “Ke Kisi Momin Mard Aur Momin Aurat Ke Liye Jayaz Nahi Hai Ke Jab Allah Aur Uskey Rasool Koi Baat Ka Faisla Kar De Unmey Tou Wo Kisi Kism Ki Apni Raay Rakhe Uss Faisley Me.
Agar Jisne Aisa Kiya Ke Allah Aur Uske Rasool Ka Faisla Aaney Ke Baad Apni Raay Rakhi Wo Khuli Gumraahi Me Jaa Fansa…”
– [Surah(33) Ahzab: Ayat-36]

*Tou Iss Aayat Me Allah Rabbul Izzat Ne Wajahat Farma Di Ke Allah Aur Uskey Rasool Ki Baat Ko Chorna, Sunnat Ko Tark Karna Jayaz Nahi Hai.. Aur Jo Aisa Kare Wo Khuli Gumraahi Me Ja Fansa..

# Aagey Dekhte Hai Ke:
Jo Log Ita-ate Rasool Ko Chorr Detey Hai Unko Allah Rabbul Izzat Ne Fasiq Kaha.. Aur Youn Farmaya:
♥ Al-Quraan: “Aye Nabi (Sallallahu Alaihay Wasallam) Aap Keh Do Insey ! Ke Kya Tumhare Baap-Dada, Tumhare Bhai, Tumhari Biwiya, Tumhare Kunbey Aur Kabiley Wale, Aur Jo Maal Tumne Kama Rakha Hai, Aur Wo Tijarat Jiske Girne(Nuqsaan) Se Tum Darte Ho, Wo Ghar Jo Tumne Acche Achhey Bana Rakhe Hai ,.
Ye Sab Kya Tumhe Allah Aur Uske Rasool Se Jyada Mehboob Hai?
Agar Aisa Hai Tou Fir Intezaar Karo Allah Ke Azaab Ka,. Allah Jab Tak Apna Azab Na Laa Dey,.
Aur Allah Fasiq Qoum Ko Hidayat Nahi Deta,..”
– [Surah (9) Tauba: Aayat 24]

*Tou Rabbul Izzat Ne Fasiq Kaha Unn Logon Ko! Jo Rasool’Allah (Sallallahu Alaihay Wasallam) Ki Baat Na Maney ,..

To Be Continue …

☼ Sunnat Ki Ahmiyat Parts:

1 2 3 4 5 6 7 8 9 10 11 12 13 14 15

Views: 6713

Leave a Reply

13 Comments on "Sunnat Ki Ahmiyat : Part-12"

Notify of
avatar

Sort by:   newest | oldest | most voted
jabeen
Guest
jabeen
1 year 11 months ago

To be continue likha hai kya uska poora hadith milega

hamid raza
Guest
hamid raza
1 year 10 months ago

aap quran ka tarjuma ka hawala likhne ki maharwani kare

muhammad sohrab
Guest
muhammad sohrab
1 year 9 months ago

Subhaan allah assalamo akequm mujhe deeni taleem chahiye h kya mujhe whats app par mil sakti h

Mohammad zameer
Guest
Mohammad zameer
1 year 6 months ago

Assalamu alaikum aap se gujarish hai ke post pdf file me add Kare isse pahle bhi maine kaha tha

Misleyar khan
Guest
Misleyar khan
1 year 5 months ago

Subhan Allah

maqsood shaikh
Guest
maqsood shaikh
1 year 5 months ago

masha allah bhot khubsurat site he
allha aap sab ko isi tarah nek hidayat ata kare
take kai bhatke huo ko rastaa mil ske ….
insha allah me ise published karunga

sayad.imran
Guest
sayad.imran
1 year 2 months ago

Namaaz ki sure alhamka

rafikahmed safiullah diwan
Guest
rafikahmed safiullah diwan
7 months 3 days ago

assallmoalaykum bhai jaddu aur uski haqeeqat is pe likhana suru kare bhai ……….

wpDiscuz