Al-Quran-6-153

⭐ Sirat-e-Mustaqeem Par Shaitan Jyada Behkata Hai ….


♥ Mahfum-e-Hadees: Ek Sahabi Ka Inteqal Hota Hai, Rasool’Allah (Sallallahu Alaihay Wasallam) Uss Inteqal Me Jaate Hai, Aur Abhi Qabar Khud Rahi Thi Ki RasoolAllah Uss Mitty Par Baith Jate Hai, Aapke Hath Me Ek Tehni Thi, Aap Uss Tehni Ke Jarye Zameen Par Uss Mitty Par Kuch Banane Lagey,
Sahaba Gour Se Dekhne Lage Ke RasoolAllah (Sallallahu Alaihay Wasallam) Kya Kar Rahe Hai ?
Sahaba Ne Dekha Ke Aap (Sallallahu Alaihay Wasallam) Ne Ek Sidhi Lakeer Banayi, Aur Daaye Aur Baaye Janib Aur Chand Lakeere Banayi,..

Aur Kaha Ke – ‘Ye Sidhi Lakeer Jo Maine Banayai Hai Ye Mera Rasta Hai Yaani Sirat-e-Mustaqeem Hai, Aur Daaye Aur Baaye Janib Jo Lakeere Banayi Hai Ye Lakeere Jahannum Me Jaati Hai Aur Iskey Har Lakeer Par Ek Shaitan Baitha Hai Jo Insan Ko Sirat-e-Mustaqeem Se Behkata Hai,
Sahaba Ne Kaha – ‘Ya RasoolAllah Hum Tou Yeh Samjhte They Ke Islam Kabool Kar Leney Ke Baad Banda-e-Momin Shaitan Ke Behkawe Se Azad Aur Mehfuz Ho Jata Hai,
Ya RasoolAllah ! Bohot Sangeen Mu’amla Hai Wajahat Farmaiye !
Fir Rasool’Allah (Sallallahu Alaihay Wasallam) Ne Tafseeli Bayan Ke Liye Surah Anaam Ki Ayat 153 Ki Tilawat Farmayi –
♥ Al Quraan: “Ye Sidhi Lakeer Mera Rasta (Sirat-e-Mustaqeem) Hai Tou Aye Imanwalo Iski Itteba Karna, Iske Alawa Kisi Ki Itteba Na Karna Warna Sidhi Raah Se Bhatak Jaoge” – [Surah (6)Al-‘An`am Ayat 153]
(Musnade Ahmad, Nadayii, Ibn Majah, Daremi, Tafseere-e-Ibnu Kaseer Vol#2, Page 256)
Tou RasoolAllah (Sallallahu Alaihay Wasallam) Ne Wajahat Kar Di Ke Sirat-e-Mustaqeem Par Aaney Ke Baad Shaitan Jyada Behkata Hai. Jin Qoumo Ko Imaan Hee Nahi Mila Wo Tou Waise Hi Mulawwis Hai Gumraahi Me, Lekin Jinhe Emaan Ki Doulat Mili Unka Shaitan Ke Jarye Gumraah Hona Jyada Mumkin Hai,
Lihaza Hum Sab Par Lazim Hai Ke Haq Ko Janey,

Allah Aur Uske Rasool(Sallallahu Alaihay Wasallam) Ke Qalam Ki Pairwi Karey,
Kitabo Sunnat Se Apni Aur Auro Ki Islaah Karte Rahe,…
Quraan Aur Hadees Ke Jarye, Sahib-e-Ilm Ke Jarye, Sahi Ilm-e-Deen Hasil Karey Taaki Har Kism Ki Gumrahi Se Khud Bhi Bach Sakey Aur Auro Ko Bhi Bachaney Ki Koshish Karey.. – @[156344474474186:]
!!! Wa Akhiru Dawana Anilhamdulillahe Rabbil A’lameen !!!

Allah Ta’ala Hume Tamam Kism Ke Shirk Aur Gumrahi Se Bachney Aur Bachaaney Ki Toufiq Ata Farmaye!!!
Firqa

Views: 6231

Leave a Reply

3 Comments on "Sirat-e-Mustaqeem Par Shaitan Jyada Behkata Hai …."

Notify of
avatar

Sort by:   newest | oldest | most voted
shaik kareemullah
Guest
shaik kareemullah
1 year 8 months ago

alhamdulillah

shaik kareemullah
Guest
shaik kareemullah
1 year 8 months ago

bina shaq

shaik kareemullah
Guest
shaik kareemullah
1 year 8 months ago

innallaha ma’assabireen

wpDiscuz