shabe barat ki biddatshabe barat ki biddat

⭐ Shab-e-Barat Ki Hakikat ….


Shaban Maheene Me 15th Shab Ko Shab-e-Barat Ke Naam Se Yaad Kiya Jata Hai …!!
Kuch Log Is Raat Ke Liye Shab-e-Qadr Jaisi Fazilate Bayan Karte Hain…
Yeh Aqeeda Rakha Jata Hai Ke Is Raat Poore Saal Me Hone Wale Waqkhyat Ka Faisla Kiya Jata Hai …
– Is Raat Infiradi Wa Ijtimayee Ibadato Ka Ahtmam Kiya Jata Hai … Atish Baziyaki Jati Hain…
– Masjido Me Chiragha Kiya Jata Hai …
– Bewa Aurte Ye Samajhti Hain Ke Unke Shoharo Ki Roohe Is Raat
Aati Hain Isliye Behtreen Qism Ke Pakwan Tayyar Karke Unka Intezar Karti Hain ..!!

Shab-e-Barat Ki Fazilat Me Quran Ki Yeh Ayat Paish Ki Jati Hai –
“Hamne Is (Quran) Ko Mubarak Raat Me Nazil Farmaya , Hum Logo Ko Darane Wale Hain,..”
– (Al-Dukhhan Ayat No.3)

In Ka Yeh Qoul Sarasar Ghalat Wa Bebuniyad Hai Jiski Daleel Yeh Hai Ke Allah Rabbul Izzat Ne Is Ayat Me Jis Raat Ko Mubarak Raat Kaha Hai Woh Ramadan Ki Shab-e-Qadr Hai Na Ke Shab-e-Barat. ..
Kyonki Yeh Baat Har Musalman Janta Hai Ke Quran-e-Kareem Ka Nazeel Ramadan Me Hua Hai hai Na Ke Shahban Ke Mahine Me ,..

Irshad-e-Rabbani Hai
“Ramadan To Woh Mahina Hai Jisme Quran Majeed Nazil Kiya Gaya”
– (Al-Quran, Surah Al-Baqra 2, Ayat 185)

Doosri Jagah Rabbul Izzat Irshad Farmata Hai
“Humne Is (Quran Kareem) Ko Shab-e-Qadr Me Nazil Farmaya Tumhe Kya Malum Ke Shab-e-Qadr Kya Hai, Shab-e-Qadr Me Ek Raat Ki Ibadat Hazar Mahino Ki Ibadat Se Behtar Hai ,..”
– (Al Quran, Surah Al-Qadr 97, Ayat 1-3)

In Ayaat Se Maloom Hua Ke Surah Dukkhan Ki Ayat No. 3 Me Jis Mubarak Raat Ki Taraf Ishara Kiya Gaya Hai Usse Murad Shab-e-Qadr Hai Na Ke Shab-e-Barat. .!!

Shaban Ki 15wi Raat Ki Fazilat Me Jo Bhi Hadeese Bayan Ki Jati Hain Sab Ki Sab Mozoo Ya Zaeef Hain ,…
Isi Tarhan Is Raat Ki Ibadato Ke Silsile Me Jo Bhi Hadees Bayan Ki Jati Hain Woh Sari Mozoo
(Unauthentic) Hain..!! Ek Hadees Hai Jo 15wi Shab Ke Liye Bayan Ki Jati Hai

*Rasool’Allah (Sallallahu Alaihay Wasallam) Ne Farmaya Ke –
“Allah Ta’ala 15wi Shahban Ki Raat Ko Matlah Hokar Mushriq Wa Keena Parwar Ke Siwa Poori Makhlooq Ko Muaf Kar Deta Hai..”
– (Ibn Ma’aja Silsila Saheeh 1652)

*Lekin Is Hadees Me Is Raat Ke Liye Makhsoos Ibadat Karne Ki Na Koee Dalee Hai Aur Hi Kisi Ibadat Ka Hukum Diya Gaya Hai .. Aur Jahan Tak Logo Ki Maghfirat Ki Baat Hai Tu Yeh Sirf Isi Raat Ke Sath Khas Nahin Hai Balke Yeh To Har Din Hota Hai .. Jaisa Ke Saheeh Hadees Se Sabit Hai Ke ,.. Allah Swt Har Din Akhri Raat Ke Pehar Me Sama Dunia Per Aata Hai Aur Yeh Ailan Karta Hai Ke:
Koun Hai Jo Mujhe Pukare Phir Me Uski Dua Ko Qabool Karu, Kaun Hai Jo Mujhse Sawal Kare Aur Me Usey Doo, Kaun Hai Jo Mujh Se Maghfirat Talab Kare Aur Phir Me Uski Maghfirat Kardoon ,..”
Isse Maloom Hua Ke Gunaho Ki Maghfirat Ka Kaam Hamesha Hota Rehta Hai Yeh Sirf Shab-e-Barat Ke Sath Khas Nahin…!!

*Haqeeqat Yeh Hai Ke Shab-e-Barat Ka Islam Se Koi Taulluq Nahin Hai Isey Ijad Karne Wale Raafdi Hain ..!!

Ab Koi Yeh Kahe Ke Hum Is Raat Ibadat Hi Tou Karte Hain Tou Isme Burayee Kya Hai ..
– Burayee Ibadat Me Hargiz Nahin Hai Buraye Hai Iss Baat Me Ke Jo Baat Allah ke Rasool (Sallallahu Alaihay Wasallam) Ne Nahi Batayee Woh Hum Kaise Kar Sakte Hain ?
– Ek Insan Agar Asr Ke 4 Farzo Ki Jagah 5 Parhne Lage Tou Kya Woh Sahee Hoga?
– Hargiz Nahin Jabke Woh Ek Rakat Namaz Hi Zyada Parh Raha Hai Per Rasool’Allah (Sallallahu Alaihay Wasallam) Ne 4 Bataye Hain Tou Hum Usse Zyada Ya Kum Nahin Kar Sakte ,…
– Isi Tarhan Ibadat Allah Ta’ala Ke Yahan Woh Qabool Hogi Jiske Karne Ka Hukum Rasool’Allah (Sallallahu Alaihay Wasallam) Ne Diya Hai ,…

Aur Shab-e-Barat Ki Ibadat Kisi Bhi Sahee Ahdees Se Sabit Nahin ,…
– Zara Sochiye Ke Agar Yeh Itni Fazilat Wali Raat Hoti Tou Kya Sahaba Ikram Iss Raat Ko Ibadat Na Karte? Koi Ek Bhi Wakhiya Sahaba-e-Karam Se Sabit Nahin Ke Unn Logo Ne Iss Raat Ko Khas Ibadat Ki ho ,…

Jo Khas Ibadat Ki Raat Hai Woh Tou Ramadan Ki Shab-e-Qadr Hai Usme Jitni Chahe Ibadat Karein…!!

Ek Baat Yaad Rakhein Ke Allah Ta’ala Uss Ibadat Ko Qabool Karta Hai Jisme Niyat Khalis Allah Ki Raza Ki Ho Aur Tareeqa Khalis Rasool’Allah (Sallallahu Alaihay Wasallam) Ka Ho ..!!

Alhamdulillah! Hamara Deen Kamil Hai Rasool’Allah (Sallallahu Alaihay Wasallam) Deen Ki Har Baat Bata Kar Gayee Hain, Gar Humne Itna Kar Liya Jitna Hamein Bataya Gaya Hai Tou In’sha’Allah Hamara Rab Hamse Razi Ho Jayga..!!

*Kisi Bhi Bidat Ko Chhota Na Samjho
Rasool’Allah (Sallallahu Alaihay Wasallam) Ne Bidat Karne Wale Ko Kaha Hai Ke Woh Hum Me Se Nahin ..!!
Rasool’Allah (Salallahu Alaihi Wasallam) Ne Fermaya –
“Jisne Hamare Deen Me Koee Nayee Cheez Ijad Ki Jiska Deen Se Koee Taulluq Nahin Hai Toi Woh Mardood Hai “
– (Saheeh Al Bukhari, Hadith 2697)

*Ek Aur Riwayat me Aata hai Ke –
“Deen Ke Andar Nayee Nayee Cheeze Dakhil Karne Se Baaz Raho!
Bila-Shubha “Kulo Bida-Tan Zalalah, Wa Kulo Zalala-Tin Fin Nar”
Har Nayee Cheez Bidat Hai Aur Har Bidat Gumrahi Hai
Aur Har Gumrahi Jahannam Me Le Jane Wali hai ,..”

– (Abu’daud Kitab Al Sunnah 7064)

Rasool’Allah (Sallallahu Alaihay Wasallam) Ne Farmaya –
“Jisne Hamare Is Deen Me Apni Taraf Se Koi Nayi Cheez Paida Ki,
Jo Is Me Se Nahi Hai Toh Wo Mardood Hai (Yani Wo Deen Se Kharij Hai),
Har Nayi Cheez (Jo Deen Me Paida Ho) Biddat Hai ,
Aur Har Biddat, Gumrahi Hai Aur Har Gumrahi, Jahannam Me Lee Jaati Hai,..

– (Sahih Al Bukhatri, Hadis 2696)
– (Sahih Al Muslim, Hadis 1718)
– (Sunan Nasai 3/188)

Rasool’Allah (Sallallahu Alaihay Wasallam) Ne Farmaya –
“Sabse Behtar Amr (Amal Ke Liye) Allah Ki Kitab Hai
Aur Sabse Behtar Tareeqa Muhammad Sallallahu Alaihay Wasallam Ke Tareeqa Hai
Aur Sabse Badtareen Kaam Deen Me Nayee Nayee Baton Ka Paida Karna Hai
Aur Har Nayee Baat Gumrahi Hai …”

– (Sunan Ibn Majah, Vol 1 , Hadees 45)

(Jo Log Biddat Ko Taqseem Karke Gumrahi Pehla Rahe Hai Jaise Bidat-e-Sayya, Biddat-e-Hasna Un Askaas Ke Liye Ye Hadees Se Behtareen Aur Koyi Islaah Nahi)

* Abdullah Ibn Umar(RaziAllahu Anhu) Farmate Hain,
“Tamam Biddatein Gumrahi Hai Agarche “Ba-Zaahir Woh, Logon Ko Acchi Lagein..”
– [Sunan Kubra Baihaqi (Hadith-138]

Allah Rabbul Izzat Tamaam Musalmano Ko Huq Baat Qabool Karne Ki Toufeeq Ata Farmaye,
Aur Bidat Aur Khurafaat Se Mehfooz Rakhein… Aameen-Rabbul-Alamin !!!

Views: 29618

Leave a Reply

3 Comments on "Shab-e-Barat Ki Hakikat …."

Notify of
avatar

Sort by:   newest | oldest | most voted
Gulam Mustafa Raza Khan Luxmipur
Guest
Gulam Mustafa Raza Khan Luxmipur
1 year 2 months ago

Assalamo Alaikum

Hazrat Is Page Se Jude Rahne Ke Liye Kiya Karna Hai

sid mlk
Guest
sid mlk
1 year 2 months ago

Agle din Roza rakhna kesa hai ??
Daleel ke sath batayen..

wpDiscuz