Roza-Kin-Cheezo-Se-Tootta-hai

⭐ Roza Kin Cheezo Se Toot’ta Hai …


“Bismillah Hir-Rahman Nir-Rahim”

1. ROZA RAKH NE WALA, JANABAT (BIWI SE MUBASHIRAT YA MANI KA KHARIJ HO JAANA, JISKE LIYE GHUSL WAJIB HAI) KI HALAT ME APNA ROZA SHURU KAR SAKTA HAI.
♥ Mahfum-e-Hadees: Ummul Momineen Ayesha (Razi’Allahu Anha) Aur Umme Salma (Razi’Allahu Anhu) Bayan Karti Hai:
Rasool’Allah (Sallallahu Alaihay Wasallam) Jab Kabhi Janabat Ki Halat Me Hotey Aur Aap (Sallallahu Alaihay Wasallam) Par Fajr Zahir Ho Jaati Toh Aap (Sallallahu Alaihay Wasallam) Ghusl Karte Aur Roza Rakhte.
– (Sahih Al Bukhari, Hadees 1925)

– Agar Koi Shakhs Ramzan Me Raat Ko Apni Biwi Se Humbistari Kare Ya Usey Ehtilaam Ho Jaye Toh Wo Pehle Sehri Karle, Phir Ghusl Karle.

– Agar Kisi Ko Roze Ki Halat Me Ehtilaam Ho Jaye, Jaise Ke Koi Shakhs Roze Ki Halat Me Soya Hua Ho Aur Use Ehtilaam Ho Jaye Toh Uska Roza Nahi Toot Tha, Usko Chahiye Ke Ghusl Kare Aur Apne Roze Ko Poora Kare.

– Agar Koi Shakhs Roza Rakh Kar Apne-Aap Mani Ko Kharij Karta Hai Ya Apni Biwi Se Humbistari Karta Hai Toh Ye Gunaah Hai Aur Is Se Roza Toot Jaata Hai, Usko Chahiye Ke Ye Toota Hua Roza Phir Se Rakhe Aur Iska Kaffara Ada Kare. (Shawal Ya Koi Aur Mahine Me).
* * * * *

2. MISWAK YA TOOTH PASTE ISTEMAAL KARNE SE ROZA NAHI TOOT’TA, IS BAAT KA QAYAAL RAKHEIN KE TOOTH PASTE ANDAR NA JAYE.
♥ Mahfum-e-Hadees: Ibn Umar (Razi’Allahu Anhu) Farmate Hai –
(Rozedaar) Din Ke Awwal Aur Akhri Hisse Me Miswak Kar Sakta Hai Magar Woh Is Ka Thook Na Nigle.
(Imam Bukhari Ne As Saum: Al Igtesaal Lis Siyaam Mein Taliqan Zikr Kiya Hai)
* * * * *

3. BHOOL KAR KHAA-PEE LENE SE ROZA NAHI TOOT’TA.
♥ Mahfum-e-Hadees: Rasool’Allah (Sallallahu Alaihay Wasallam) Ne Farmaya:
“Agar Koi Shakhs Bool Kar Khaa-Peele Tou Usey Chahiye Ke Wo Roze Ko Poora Kare, Kyu Ke Allah Ne Use Qilaya-Pilaya Hai.”
– (Sahih Al Bukhari, Hadees 1933)
– (Sahih Al Bukhari: Hadith 6669)
– (Sahih Al Muslim: As-Siyaam, 171-(1155)

* * * * *

4. KOI KHANE KI CHEEZ KO CHAK NE SE ROZA NAHI TOOT’TA.
♥ Mahfum-e-Hadees: Hazrat Abdullah Ibn Abbas (Razi’Allahu Anhu) Farmate Hai:
“Koi Cheez Roze Ki Halat Me Chakhne Par Kuch Gunaah Nahi, Jab Tak Ke Wo Halaq Me Na Jaane Paaye,..”
– (Sunan Baihaqi, Hadees 4/261)
– (Ibn Abee Shaybah 9278)
– (Mukhtasar Saheeh Bukhari: Aasar 361)
– (Irwa Ul-Ghaleel Jild 4 Safa 86)

* * * * *

5. TEL AUR SURMA LAGA NE SE ROZA NAHI TOOT THA.
♥ Mahfum-e-Hadees: Ibn Masood (Razi’Allahu Anhu) Farmate Hai –
“Jab Tum Me Se Kisi Ka Roze Ka Din Ho Toh Isey Chahiye Ke Woh Subha Tel Lagaye Aur Kangi Kare..”
– (Imam Bukhari Ne As Saum: Al Agtesaal Lis Siyaam Me Taliqatan Zikr Kiya Hai)

♥ Mahfum-e-Hadees: Hazrat Aanas Bin Malik (Razi’Allahu Anhu) Se Riwayat Hai –
“Woh Roze Ki Halat Me Surma Lagaya Karte Thein.”
– (Abu Dawood) [Saheeh Abu Dawood 2082] (Hasan Mauqoof)

♥ Mahfum-e-Hadees: Imaam Bukhari (Rehmatullahi Alaihi) Kehte Hai:
Anas Ibn Malik (Razi’Allahu Anhu) Hasan Basri (Rehmatullahi Anhu) Aur Ibrahim Nakhi(Rehmatullahi Anhu) Ne Roze Ki Halat Me Surma Laga Ne Par Koi Karahat Nahi Samji.
– (Sahih Al Bukhari, 451)
* * * * *

6. ROZE KI HALAT ME SAR PAR PAANI DAALNA YA PAANI NAHAA NE SE ROZA NAHI TOOT’TA.
♥ Mahfum-e-Hadees: “Rasool’Allah (Sallallahu Alaihay Wasallam) Roze Ki Halat Me Pyaas Ya Garmi Ki Wajah Se Apne Sar Par Paani Daala Karte They.”
– (Sunan Abu Dawood Hadees 2365)

– Kuch Log Kehte Hai Ke Roze Ki Halat Me Paani Nahi Nahana Chahiye, Ye Be-Bunyad Baat Hai.
* * * * *

7. KYA KHOON DENE SE ROZA TOOT TA HAI ?
♥ Mahfum-e-Hadees: Abu Saeed (Razi’Allahu Anhu) Farmate Hai:
Allah Ke Rasool (Sallallahu Aalaihi Wasallam) Ne Rozedaar Ko Hijama Karwane Ki Ruksat Di.
– (Darqutni, Tabarani, Bayhaqi)
– (Irwa Ul Ghaleel Jild 4 Safa 75 Raqam 931)
– @[156344474474186:]
* * * * *

8. QAY (VOMITING/ OOLTI) AANE PAR ROZA NAHI TOOT’TA.
♥ Mahfum-e-Hadees: Allah Ke Rasool (Sallallahu Aalaihi Wasallam) Ne Farmaya:
“Jise Qaee Aajaye Is Par Qaza Nahi Aur Jo Jaan Boojh Kar Qaee Kare Toh Is Par Qaza Hai.”
– (Sunan Abu Dawood, Tirmizi, Nasa’i, Ibn Majah, Haakim)
– (Saheeh Ul-Jami’ 6243) (Saheeh) Alfaaz Tirmizi Ke Hai.

♥ Mahfum-e-Hadees: Ibn Khuzaima Ke Alfaaz Hai:
“Agar Rozedaar Khud Qaee Kare Toh Iska Roza Toot Gaya Aur Aagar Uss Par Qaee Galib Aagayi Toh Iska Roza Nahi Toota.”
– (Saheeh Ibn Khuzaima 1960) (Isnaad Saheeh)
* * * * *

9. KYA BIWI SE BOSA KARNE SE ROZA TOOT TA HAI ?
♥ Mahfum-e-Hadees: Abdullah Ibn Amr Ibn Aas(Razi’Allahu Anhu) Bayan Karte Hai:
Hum Ek Martaba Rasool’Allah (Sallallahu Alaihay Wasallam) Ke Saath They Toh Ek Nawjawan Aaya Aur Kaha Ke Kya Mai Roze Ki Halat Me Apni Biwi Ko Bosa De Sakta Hu ?
*Toh Rasool’Allah (Sallallahu Alaihay Wasallam) Ne Farmaya – “Nahi”
Fhir Ek Budha Aadmi Aaya Aur Kaha Ke Kya Mai Roze Ki Halat Me Apni Biwi Ko Bosa De Sakta Hu?
*Toh Aap (Sallallahu Alaihay Wasallam) Ne Farmaya: “Haan”

♥ Mahfum-e-Hadees: Abdullah Ibn Amr(Razi’Allahu Anhu) Kehte Hai:
Hum Ek Doosre Ki Taraf Dekh Ne Lage, Utne Me Aap (Sallallahu Alaihay Wasallam ) Ne Farmaya:
“Budha Aadmi Apne-Aap Par Qabu Paa Sakta Hai.”
– (Musnad Ahmad, Hadees 2/581)
– (As-Saheeh 1606] (Hasan Saheeh)

* * * * * *
– Allah Subhanahu Wa Ta’ala Hum Sabko Sahih Deen Seekhne Aur Samjhe Ne Taufeeq De
– Aur Hume Quran Aur Sahih Hadees Ke Mutabik Amal Ki Taufeeq De Ameeen ,..

*Allah Se Du’a Hai Ke –
– Hum Tamam Ko Quran-O-Sunnat Ko Sahaba Ke Manhaj Par Amal Karne Wala
– Aur Daw’at Dene Wala Banaye ,.. (Ameen Ya Rabbal Almenn)

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 7522

Leave a Reply

Be the First to Comment!

Notify of
avatar

wpDiscuz