Aye Kash! Maine Rasool Ka Rasta Apnaya Hota

♥ Al-Quraan: Bismillah-Hirrahman-Nirrahim !!!
Uss Roz Zalim (Afsos Aur Nadamt Se) Apne Hath Kaat Kar Khayega Aur Kahega “Aye Kash! Mai Ne Rasool Ka Rasta Apnaya Hota! Haye Meri Bad-Bakhti Ke Kaash Mai Falaa (Gumrah Shaks) Ko Apna Dost Na Banaya Hota…”
– [Surah:Furqan (25) Aayat No:27-28]

*Mere Azeezo ! Iss Ayate Mubarak Me Allah ke Rasool (Sallallahu Alaihay Wasallam) Ke Rastey Se Muraad “Kitabo Sunnat” Ki Pakiza Rehnumayi Hai,..
– Na Ki Kisi Mafadparasto Ka Tareeka Jo Kitabo Sunnat Se Takrata Ho ,..

*Iski Misaale Tou Anginat Hai Lekin Bus 1 Hi Misaal Dene Ki Koshish Karenge Aapko ,..
#‎ Qabrparsti‬ : Allah Ke Nek Bando Ki Qabro Ko Mazaro Me Tabdil Karna Aur Uspar Taraha-Tarha Ki Khurafatey Karna Ye Baaz Moulviyo Ne Deen-e-Islam Se Jod Diya Hai Jiska Qurano Sunnat Me Kahi Bhi Tazkira Nahi Milta, Aur Naa Hi Sahaba Ne Kabhi Kisi Qabr Ko Mazar Me Tabdil Kiya ,.. (Ilaah Ke Baad Ke Zamane me logon Ne Chand Sahaba Ki Qabr par Mazare Banayi) ,.

– Tou Jo Cheez Allah Aur Uske Rasool Ke Farman Me Nahi Milti, Jo Akida Sahaba Ke Aasar Me Kahi Bhi Nazar Nahi Aata Usey Islam Se Jod Kar Aakhir Kya Sabit Karna Chahte Hai Ye Baaz Mafadparast Hazraat ? ..
– Inhi ki Jahalat aur Baddakhlakhi Dekhkar Humare Nadan Gairmuslim Bhai Deen-e-Islam Ki Pakiza Shariyat par, Allah Aur Uske Rasool Ki Taalimat Par Tanz Karte Rehte Hai ,.. “ke Miya tum’me aur hum’me fark hi kya ? tum lete ko pujte ho aur hum khadey ko..” Astagfirullah !

– Aur Jab Koi Aise Mafadparast Moulviyo Se Sawal Karey Tou Munafiko Ki Sifat Apna Kar Gaaliyo Ki Bouchaar Karne Se Bhi Baaz Nahi Aatey Ye Log ,.. Aur Kehte Hai Ke Hum Tou Islam Ka Difa Kar Rahe Hai ,.. (Subhan’Allah!!!)

*Yakinan Difa Tou Kar Rahe Hai! Lekin Islam Ka Nahi, Apne Chando Ke Dhando Ka, Chillam aur Hukka Center ka yaani Dargaaho ki Aad me Hukka Center ka marqaz jo inhone bana rakaha hai ,..
– Aur Ye Baaz Jahil Moulvi Jantey Hai Ke Logo Tak Qurano-Hadees Ki Batey Pohochegi Tou Logon me Shaoor Aajayega Aur Fir Humare Chande Band Ho Jayegene ,.. Lihaja Jitna Ho Sakey Qurano Hadees Ki Baate Karne Walo Se Aam Muslamano Ko Door Hi Rakho, Unhe Apne Masjido Me Bhi Na Aane Do, Hatta Ke Unhe Gustakh-e-Rasool Ka Label Tak Chipka Do ,..
– Ab Jab Koi Gustakhe-Rasool Ke Naam Se Mashhoor Ho Jayega Tou Kya Koi Khakh Uski Baat Sunega ? …

*Samjhdaro Ke Liye Is Post Me Bohot Aham Nasihat Hai Mere Azeezo!!! ..
*Lihaja Humari Aap Tamam Se Darkhwast Hai Ke –
– Nafsparsto Ke Fareb Ko Samjhne Ki Koshish Karey ,..
– Aur Jitna Ho Sakey Allah Ke Rasool (Sallallahu Alaihay Wasallam) Ka Rasta Yaani Quraan Aur Hadees Ki Taraf Ruju Karey ,..
– Sahih Ulemaye Deen Se Rafta Qayam karey unki Sohbat iktiyar karey,..
– Apne Aamal Aur Ikhtelaaf Me Allah Aur Uskey Rasool Ko Haakim Banaye ,..
– Zindagi Ke Tamam Shobo Me Rasool-e-Kareem (Sallallahu Alaihay Wasallam) Ka Tareeka Apnaye ,..

♥ In’sha’Allah-Ul-Azeez!!!!
*Allah Ta’ala Hume Kehne Sun’ne Se Jyada Amal Ki Taufik Dey ,..
(Ameen! Allahuma Ameen !!!)

Leave a Reply