Ummat-e-NabiProud to be Ummat-e-Rasool'Allah (Sallallahu Alaihay Wasallam)

 

 

     
Hidayat Post 1469 results in ( 1.034 seconds)

Kiski Taubah Kabool Hogi Aur Kiski Nahi ?……

∗ Kiski Taubah Kabool Hogi Aur Kiski Nahi ?……

♥ Al-Quraan : Bismillah-Hirrahman-Nirrahim !!!
“Allah Ki Baargaah Me Taubah Tou Sirf Unhi Logon Ki Kabool Hoti Hai, Jo Nadanista Buri Harkat Kar Baithe Aur Fir Jaldi Se Taubah Kar Le, Tou Allah Bhi Aise Logon Ki Taubah Kabool Kar Leta Hai. Aur Allah Tou Bada Jan’ne Wala Haakim Hai.
Aur Taubah Unn Logon Ke Liye (Mufid) Nahi Hai Jo Umr Bhar Tou Burey Kaam Karte Rahe Yaha Tak Ki Jab Unme Se Kisi Ke Sir Par Mout Aa Khadi Hui Tou Kahne Lage Ab Maine Taubah Ki Aur (Isi Tarha) Unn Logon Ke Liye (Bhi Taubah) Mufid Nahi Hai Jo Kufr Ki Halat Me Marr Gaye Aise Hi Logon Ke Waste Hamne(Allah Ne) Dardnaak Azaab Taiyar Kar Rakha Hai.
- (An-Nisa, Ayar 17,18)

     

Yatimo Ke Maal Par NaaHaq Kabza Na Karo ….

∗ Yatimo Ke Maal Par NaaHaq Kabza Na Karo ….

♥ Al-Quraan : Bismillah-Hirrahman-Nirrahim !!!
“Jo Log Yateemo Ka Maal NaaHaq Jaaya (Waste) Karte Hai, Woh Apne Pait Me Bus Angaare Bharte Hai Aur An-Karib Jahannum Me Wasil Honge”.
- (Surah: An-Nisa, Ayat-10)

     

Hamare Nasib Me Pehle Se Hi Sab ….

∗ Hamare Nasib Me Pehle Se Hi Sab ….

♥ Qaul-e-Mubarak : Imaam Jafar Sadiq (RaziAllah Anhu) Se Kisi Ne Sawaal Kiya Ke – Agar Hamare Nasib Me Pehle Se Hi Sab Kuch Likh Diya Gaya Hai Tou Phir Dua Kyon Kare ?
Aap Ne Farmaya Ke, “Ho Sakta Hai Tere Parwardigar Ne Yehi Tumhare Naseeb Me Likh Diya Ho Ke Mango Ge Tou Milega Warna Nahi Denge”.
- (Mizan-Ul-Hikmat, Jild 2, Page 258)

     

Har Shakhs Khataa Karne Wala Hai ….

∗ Har Shakhs Khataa Karne Wala Hai ….

» Hadees : Rasool-e-Paak (Sallallahu Alaihay Wasallam) Ne Irshad Farmaya –
» “Har Shakhs Khataa Karne Wala Hai Aur Behtar Khata Karne Wala Woh Hai Jo Taubah Kar Le”.
- (Tirmizi : Hadees No-389)
» “Uss Shakhs Ke Liye KhushKhabri Hai Jo Apne Naam-e-Amaal Me Bohat Ziyada Astaghfar Paaye.
(Ibn~E~Majah, Hadees No:3818)

     

Achhe Aur Burey Tajir(Businessman) Ka Hashr …..

∗ Achhe Aur Burey Tajir(Businessman) Ka Hashr …..

» Hadees : Hazrate Abu Sayeed (RaziAllahu Anhu) Ne Kaha Ki Rasool’Allah (Sallallahu Alaihay Wasallam) Ne Farmaya -
“Bahut Sacche Aur Dayanatdar Tajir(Businessman) Ka Hashar Nabiyo, Siddiqiyon, Aur Shaheedon Ke Sath Hoga”.
- (Tirmizi Jild_2 Page-229)

» Hadees : Rasool’Allah (Sallallahu Alaihay Wasallam) Ne Farmaya -
“Qayamat Ke Din Burey Tajiron(Businessman) Ka Hashr Nafarmano Ke Sath Hoga, Magar Jo Tajir Khuda-e-Ta’ala Se Darte Hue Haraam Se Bache, Jhooti Qasam Na Khaye Aur Sach Bole Tou Uska Hisab-o-Kitab Ambiyaon Ke Saath Hoga”.
- (Tirmizi Jild-1 Page-230)

     

2 Khatre Aur 2 Nishan ….

∗ 2 Khatre Aur 2 Nishan ….

» Hadees : Huzoor (Sallallahu Alaihay Wasallam) Ne Farmaya Ke,
“Allah Ta’ala Ke Nazdeek 2 Khatrao Aur 2 Nishanao Se Koi Cheez Zyada Pyari Nahi”.

» 2 Khatre :
(1). Aansuwao Ka Wo Khatra Jo Khauf-e-Khuda Se Bahe,
(2). Khoon Ka Wo Khatra Jo Jihaad Fi Sabi’lillah Me Jism Se Bahe,

» 2 Nishaan :
(1). Ek Iss Zakhm Ka Nishan Jo Jihaad Me Jism Per Lage Aur Dusra
(2). Iss Zakhm Ka Nishan Jo Kisi Farz Ki Adaigi Karte Waqt Insan Ko Lage.

- (Zaad Al’muaad Jild 3, Safa 90, Seerat Al’rasool Zia’an
Nabi Sallallahu Alaihi Wa Sallam, Jild 3, Safa 553)

     

Her Ek Se Uske Jimmedariyo Ke Baare Me Pucha Jayega ….

∗ Her Ek Se Uske Jimmedariyo Ke Baare Me Pucha Jayega ….

» Hadees : Hazrate Abdullah Ibne Umar (RaziAllahu Anhu) Se Mairvi Hai Ke, Huzur (Sallallahu Alaihay Wasallam) Ne Farmaya –
“Tum Sab Nigran (Responsible) Ho, Tum Me Se Her Ek Se Iske Matahat Afrad Ke Baare Me Pucha Jayega.
Baadshah Nigran (Jimmedar) Hai, Iss Se Iss Ki Riaaya (Kingdom) Ke Baare Me Pucha Jayega.
Aadmi Apne Ahl-O-Ayaal (Family) Ka Nigran Hai Iss Se Iss Ke Ahl-O-Ayal Ke Baare Me Pucha Jayega.
Aurat Apne Khawind (Shohar) Ke Ghar Aur Aulaad Ki Nigran Hai Iss Se Inke Baare Me Pucha Jaega”.
- Sahih Bukhari Volume 007, Book 062, Hadith Number 116 (English Translation)

     

Gunaah-e-Shagira Aur Gunaah-e-Kabira ….

∗ Gunaah-e-Shagira Aur Gunaah-e-Kabira ….

∗ Gunaaho Ke Do (2) Kism Hotey Hai,
» 1. Gunaah-e-Saghira (Chote Chote Gunah)
» 2. Gunaah-e-Kabira (Bade Bade Gunaah)
Gunaah-e-Saghira Acche Amaal Aur Ibadat Ki Barkat Se Muaf Ho Jate Hai, Lekin Gunaah-e-Kabira Uss Waqt Tak Muaf Nahi Hote Jab Tak Sacche Dil Se Taubah Karke Unsey Hamesha Ke liye Parhez Karne Ka Pakka Ahad Na Kiya Jaye.
- www.Ummat-e-Nabi.com

     

Qasam Ka Kaffara ….

∗ Qasam Ka Kaffara ….

♥ Al-Quraan : Bismillah-Hirrahman-Nirrahim !!!
Khuda Tumhe Nahi Pakdta Galatfehmi Ki Qasmo Par, Haa! Unn Kasmo Par Pakad Farmata Hai Jinhe Tumney Mazbut Kiya Ho, Tou Aesi Qasam Ka Badla 10 Miskeeno Ko Woh Khana Khilana Jo Tum Apne Ghar Me Apne Liye Pasand Karte Ho, Ya Unhe Kapde Dena, Ya Ek Ghulaam Aazad Karna. Tou Jo Inme Se Kuch Na Kar Paye Tou 3 Din Ke Roze Rakhe.
- (Al-Ma’ida, Ayat 89)

» Sabak : Lihaza Apni Qasmo Ki Hifazat Karo Aur Bila Jarurat (Yaani Choti Choti Ya Mamuli Baat Par) Qasme Na Khaya Karo, Jab Intehayi Jarurat Pad Jaye Tab Hi Qasam Khao Aur Usey Waade Ke Mutabik Har Haal Me Pura Karo Aur Usey Pura Na Kar Pao Tou Uss Qasam Ka Kaffara Ada Karo.

     

Shatranj (Chess) Aur Chausar Khelna Najayaz ….

∗ Shatranj (Chess) Aur Chausar Khelna Najayaz ….

» Hadees : Nabi-e-Kareem (Sallallahu Alaihay Wasallam) Ne Farmaya –
“Jo Shatranj (Chess) Aur Chausar Khelta Hai Wo Uss Aaadmi Ki Tarha Hai Jisne Apne Haath Suar (Pig) Ke Gosht Aur Khoon Me Rang Liye Ho”.
- (Sahih Muslim Book 028, Hadees-5612)

Tags: , , ,