"the best of peoples, evolved for mankind" (Al-Quran 3:110)

Musibat me Khair ki Dua [Inna Lillahi Wa Inna Ilaihi Rajioon]

♥ Mafhoom-e-Hadees: Umme Salma bint Abu Umayya (Razi’Allahu Anha) se riwayat hai ki,
Rasool’Allah (SallAllahu Alaihi wasallam) ne farmaya,
“Agar koyi musalman jisko koyi museebat pahuche aur wo ye kahe jiska Allah subhanahu ne usko hukm farmaya:
“Inna Lillahi Wa Inna Ilaihi Rajioon,
Allahumma Ajurni fee Musibati Wa Akhlifli Khairam Minha”

*Tarjuma: Beshak hum Allah ke hain aur Usee ki taraf laut kar jane wale hain ,
Aye Allah mujhe meri museebat par ajar de aur mujhe is se behtar naimat ata farma,.

tou Allah subhanahu usko behtar naimat ata farma dega.

*Umme Salma (Radi Allahu Anha) farmati hain ki jab (unke shohar) Abu Salma {Razi’Allahu Anhu} ki wafat ho gayee tou maine (dil me) socha ki kaunsa Musalman Abu Salma {Razi’Allahu Anhu} se behtar ho sakta hai ?
wo pahla gharana hai jisne RasoolAllah (SallAllahu Alaihi wasallam) ki taraf hijrat ki phir maine ye Dua padhi tou Allah subhanahu ne mujhe Rasool’Allah (SallAllahu Alaihi wasallam) ki surat me us neymat ka badal ata farmaya
aur RasoolAllah (SallAllahu Alaihi wasallam) ne Hatib bin Abu batla (Razi’Allahu Anhu) ko mere paas unke nikah ka paigam dekar bheja.”
– Sahih Muslim, Jild 2, Hadith No. 2126

♥ SubhanAllah !
Allah Rabbul Izzat hume Kehne Sun’ne Se Jyada Amal ki Taufik Dey ,. Ameen !!!

Get real time updates directly on you device, subscribe now.

You might also like

Leave a Reply

avatar
Subscribe for Islamic Post Updates
Subscribe for Islamic Post Updates
Sign up here to get the Daily Islamic post updates, Islamic News, Hajj Umrah package offers delivered directly to your inbox.