⭐ Mushkil Sawalaat …..


» Baab-e-Ilm Hazrate Ali Se Mushkil Sawalaat Ke Khubsurat Jawaab «
Tauraat Ke Ek Aalim Ne Jiska Naam Mujer Tha! Ek Martaba
Hazrat Ali (Razi’Allahu Anhu) Se Pucha Ki Mere Kuch Sawaalon Ke Jawaab Dijiye!

Hazrat Ali Ne Farmaya – Pucho, Kya Puchte Ho?
Usne Pucha – Batayiye,
(1) Wo Kaunsa Mard Hain Jiska Na Baap Hain Na Maa?
(2) Wo Kaunsi Aurat Hain Jiska Na Baap Hain Na Maa?
(3) Wo Kaunsa Mard Hain Jiski Maa To Hain Lekin Baap Nahi?
(4) Wo Kaunsa Patther Hain Jisne Jaanwar Paida Kiya?
(5) Wo Kaunsi Aurat Hain Jisne Ek Hi Din Me 3 Ghadiyon Me Baccha Jan Diya?
(6) Wo Kaunse Dost Hain Jo Aapas Me Kabhi Dushman Na Banege?
(7) Wo Kaunse Dushman Hain Jo Aapas Me Kabhi Dost Na Banege?

Hazrat Ali (Razi’Allahu Anhu) Ne Farmaya – Lo Ab Sunlo!
(1) Wo Mard Jiska Na Baap Hain Na Maa Hazrat Aadam (Alaihay Salam) Hain!
(2) Wo Aurat Jiska Na Baap Hain Na Maa Hawwa (Razi Allahu Ta’ala Anha) Hain!
(3) Wo Mard Jiski Maa Hain Lekin Baap Nahi Hazrat Isa (Alaihay Salam) Hain!
(4) Wo Patther Jisne Jaanwar Paida Kiya Wo Patther Hain Jisse Hazrat Saleh (Alaihay Salam) Ki Unthni Paida Hui!
(5) Wo Aurat Jisne Ek Hi Din May 3 Ghadiyon Me Baccha Janaa Hazrat Maryam (Razi Allahu Ta’ala Anha) Hain Jinko Ek Ghadi Me Hamal Tehra, Dusri Ghadi Me Dard Zeh (Baccha Paida Hone Ke Waqt Dard) Paida Hui! Tisri Ghadi Me Isa (Alaihay Salam) Paida Hogaye!
(6) Wo Dost Jo Kabhi Aapas Me Dushman Na Banege, Jism Aur Rooh Hain!
(7) Wo 2 Dushman Jo Kabhi Aapas Me Dost Na Banege Maut Aur Hayaat Hain!

Mujer Ne Jawab Sunker Kaha Wakayi Aye Ali! Tumne Sahi Jawaab Diya! Wakayi Me Tum Baab-A-Madinatul Ilm Ho!

(Jaami-Ul-Moajizaat Pg-23)

Views: 4403

Leave a Reply

Be the First to Comment!

Notify of
avatar

wpDiscuz