Muharram / Ashure Ka Roza aur Uski Fazilat

♥ Mafhoom-e-Hadees: Abdullah Bin Abbas (RaziAllahu Anhu) se rivayat hai ki Jab Allah ke Rasool (ﷺ) Ashure ke Din (10 Muharram) ka Roza rakha aur Hukm (Order) kiya is Rozey ka, to logo ne Arz kiya, Ya RasoolAllah(ﷺ) ! ye din to aisa hai ki iski Taazim Yahud aur Nasara karte hain ,

tou Aap (Sallallahu Alaihi wasallam) ne farmaya ki Jab Agla Saal aayega to In’ sha’ Allah Hum 9 ka Roza Rakhege, Aakhir Agla Saal na aane paya ki Aap (Sallallahu Alaihi wasallam) is dunia se Rukhsat kar gaye. (isliye hum Musalman 9 aur 10 dono ka Roza rakhte hain).

– (Sahih Muslim, Vol 3, 2666)


★ Aashura ke Roze ki Fazilat:

♥ Mafhoom-e-Hadees: Abu Qatada al-Ansari (RaziAllahu Anhu) se rivayat hai ki RasoolAllah  (ﷺ) se Ashura (10 Muharram) ke din ke Rozey ke bare mein pucha tou Aap (ﷺ) ne farmaya ‘Ye Guzrey huye Saal ke Gunahon ka kaffara hai.’
– (Sahih Muslim, Vol 3, 2747)


★ Yahudi Ashure ka Roza kyu Rakhte they ?

10th Muharram ko Allah Ta’ala ne Hazrath Musa (Alaihi Salam) ki Ummat ko Firoun ki Qaid se Azad karwaya aur Firoun ko Paani me Garkh Kar diya tha, Lihaja is ke Shukrane ke taur par Musaa (Alaihi salam) ki Ummat ye Ashoora ka Roza rakhti thi, aur Ummat-e-Mohammadiya ko 9 aur 10 ya phir 10 aur 11 ka Roza Rakhna hai. Taake Yahud aur nasara se Musabahat na ho aur unki mukhalifat ho.

Ulema Unki Mukhalifat ke talluk se kehte hai ke unki Mukhalifat ka hukm isiliye kyunki wo Qoum bhi Aizaz paane ke baad Allah aur uske Nabiyo ke Hukm ki mukhalifat karne lag gaye they,.. lihaja unki mukhalifat me hume ek ke bajaye 2 roze rakhne ka hukm mila.


★ 10 Muharram ko Sharbat bantna kaisa hai?

Aam taur par Log 10th Muharram ko (Sharbat,Juices) baant te hai aur puchne par bolte hai ke Nawase Rasool Husain RaziAllahu Anhu Pyase Shaheed huwe they isliye hum Sharbat baat te hai, ye sarasar Galat hai Sharbat baantna, hum logo ko chahiye ke hum 10th moharram ke din Roza rakhe jaisa Rakhne ka Hukm hai, Pados me aur logo ke ghar Iftar bhejna chahiye taake logo ko pata chale ke is din Roza rakhna hai naa ke Roza Todna.

# NOTE: 9 aur 10 ya phir 10 aur 11 Ka Roza Rakh sakte hai.

Nawase Rasool Husain (R.A.) ke Karbala me Shahadat ke Talluk se Tafseeli Jankari ke liye niche diye hue link par click kare.

Karbala Ka Wakiya

 

* Allah Ta’ala hume kehney sunney sey ziyada amal ki toufeeq aata farmaye ” Ameen

4
Leave a Reply

avatar
2 Comment threads
2 Thread replies
0 Followers
 
Most reacted comment
Hottest comment thread
4 Comment authors
Mohammad Salim (Admin)zaidABDUL RaufABID KHAN Recent comment authors
newest oldest most voted
ABID KHAN
Guest
ABID KHAN

ASSALMUALEKUM BHAI JAAN ME PEERMURID KE BAAARE ME JAANA CHATA HOO JISKO BEAT HOONA BHI KHETE HAI

ABDUL Rauf
Guest
ABDUL Rauf

11 tarikh ko roja rakne ki koi dalil he

zaid
Guest
zaid

9,10,11 ya 9 nd 10 ya 10 nd 11 ya minimum 10 ye 4 option hai nd 1st option is best mere bhai