RasoolAllah-Gawahi-Denge

Rasool’Allah(ﷺ) Gawahi Denge – Meri Qoum ne Quran Ko Chorr Diya …

Aaj Allah Ki Kitab(Quraan-e-Majid) Se Momino Ko Door Karne Ke Liye Na Jane Kya-Kya Hathkandey Istemal Kiye Jar Rahe, Baaz Paid Ulemao Ke Jarey Fataawe Tak Diye Ja Rahe Hai ke – “Quraan Padhey Tou Gumraah Ho Jaoge” Nauzuillah!

*Jabki Quraan Se Doori Ikhtiyaar Karne Wale Rasool’Allah (Sallallahu Alaihi Wasallam) Ki Narazgi Ke Mustahiq Honge! Balki Rasool’Allah Inkey Khilaf Baat Karengey Jiskey Talluk Se Allah Rabbul Izzat Ne Ek Aayat Me Bayan Farmaya –
♥ Al-Quran: (Allah Ke Rasool Tumhare Khilaf Gawahi Denge) “Aye Mere Rab Is Qoum Ne Quraan Ko Chorr Diya” – [Surah Furqaan(25): Ayat-30] – @[156344474474186:]

*Tou Yaha Nabi-e-Kareem (Sallallahu Alaihi Wasallam) Dekhiye Aise Logon Ke Khilaf Baat Karenge Aur Kahenge Ke – “Aye Allah! Meri Qoum Ne Quraan Ko Chorr Diya”

*Andaza Lagaiye Jis Nabi-e-Rehmat Ke Taaluk Se Hum Ummid Rakhtey Hai Ke Aap Humari Sifarish Karenge, Allah Se Shafa’at Karenge Humari Roze Mehshar Ke Muqaam Me ,.. (Yakinan Karenge) Lekin Yahi Nabi Khilaf Khadey Ho Janyenge Aise Logonke Jo Quraan Ki Hidayat Par Gour Nahi Karte They Aur Naahi Ispar Amal Kartey They ,…

– Tou Agar Hum Chahtey Hai Ke Sach me Nabi-e-Kareem (Sallallahu Alaihi Wasallam) Ki Shafa-at Nasib ho Tou Hume Chahiye Ke Allah ki Hidayat Quraan-e-Majid se Apna Rishta Jod Ley,..
– Iske Maaney Mahfum Ko Samjhne Ki, Iske Paigaam par Gour Karne Ki Talab Hum Ikhtiyar Karey ,.
*Fir In’sha’Allah-Ul-Azeez! Ye Kitab Sarapa Hume Allah ki Hidayat Se Jod Degi ,..

*Aur Agar Humne Aisa Na kiya , Tou Beharhaal La-ilmi Kis Hadd Tak Hume Nuqsaan Pohchati Hai Hum Dekh Hi Rahe Hai ,.. (Allah Bachaye Hume Jahalat ke Fitno Se!)

♥ Allah Rabbul Izzat Se Dua Hai Ke –
# Allah Hume Kahne Sun’ne Se Jyada Aml Ki Taufik Dey ,..
# Hum Tamam Ke Liye Quraane Majid Ko Padhna , Samjhna Aur Uspar Amal Karna Aasan Farmaye ,..
# Jab Tak Hume Zinda Rakhey Islam Aur Imaan Par Zinda Rakhey…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

🔖 Ummat-e-Nabi.com
🔖 Fb.com/HadiseNabwi

Views: 4881

Leave a Reply

Be the First to Comment!

Notify of
avatar

wpDiscuz