Kisi Ki Zameen Par Najayaz Kabza Haraam ….

» Mahfum-e-Hadees: Hazrat Saalim (Razi’Allahu Anhu) Apne Waalid Se Riwayat Karte Hain Ke,
Nabi-e-Kareem (Sallallahu Alaihi Wasallam) Ne Farmaya Ke,
“Jo Shakhs Doosre Ki Zameen Ka Kuch Hissa Nahaq Daba Le(Bina Haq Kabza Karle)
Tou Usey Qayamat Ke Din 7 Zameeno Ki (Tah) Tak Dhansaya Jaayega”.
(Bukhari Shareef)

» Mahfum-e-Hadees: Hazrat Saed Ibne Zaid (Razi’Allahu Anhu) Ne Kaha Ke,
Nabi-e-Kareem (Sallallahu Alaihi Wasallam) Ne Farmaya Ke,
“Jo Shakhs Kisi Ki Ek Balisht Bhar Zameen Zulm Se Haasil Karega,
Usey Qayamat Ke Din 7 Zameeno Ka Tauq(Huge Belt or Patta) Pehnaya Jaega”.
(Bukhari Sharif, Muslim Sharif)

» Mahfum-e-Hadees: Hazrat Abu Hurra Rakkashi (Razi’Allahu Anhu)
Apne Chacha Se Riwayat Karte Hain Ke,
Nabi-e-Kareem (Sallallahu Alaihi Wasallam) Ne Farmaya –
“Khabardar! (Kisi Par) Zulm Na Karna Aur Kaan Khol Ke Sunlo Ke
Kisi Shakhs Ka Maal (Tumhare Liye) Halaal Nahi Ho Sakta
Magar Woh Dil Se Raazi Na Ho Jaaye.”
(Baihaqi Sharif)

Views: 15182

Leave a Reply

Be the First to Comment!

Notify of
avatar

wpDiscuz