Jab Zameen Gawahi Degi …

♥ Al-Quran: Bismillah-Hirrahman-Nirrahim !!!

“Jab Zameen puri tarh jhinjhor di jayegi Aur zameen apne bojh bahar nikal phekegi,
Insan kahne lagega ke isey kya ho gaya ?
Us din Zameen apni sab khabre bayan kar degi, Islye ke tere Rab ne hukm diya hoga,
Uss roz log mukhtalif jamate hokar ( wapas ) lautengi taake unhe unke amaal dikha diye jaye,
Pas jisne Zarra barabar bhi Neki ki hogi wo usey dekh lega,
Aur jisne zarra barabar bhi burai ki hogi wo usey dekh lega,..”

– Surah (Az-zil-zaal, 99: 1-8 )

# Tashreeh ( Ahsanul bayan )

Iska matlab Sakht Bhoochal ayega ke saari Zameen laraz uthegi Aur har Cheez toot phoot jayegi –
Yani Zameen me jitne insan dafan hai Qayamat wale din Zameen bahar phek degi – Aur Allah ke hukm se sab zinda hokar bahar nikal ayenge,..
Hadees Ka Mafhoom Hai ke Nabi-e-Kareem (Sallallahu Alaihay Wasallam) ne Tilawat ki Aur puchha –
“Jante ho Zameen ki khabre kya hain ?,.. Sahaba ne arz kiya “Nahi !”
Aap (Sallallahu Alaihay Wasallam) ne farmaya:

“Uski khabar ye hai ke Jis bande ya bandi ne Zameen ki pusht par jo kuchh kiya hoga Sab bol degi – jaise fala ne ye kiya falaa falaa shakhs ne falaa din me ye kaam kiya tha”

– Tirmizi 3353

You might also like

Leave a Reply

avatar