Ilm-e-Gaib ki Haeeqat …

“…Ilm-e-Gaib Ka Sawal Jispar Kayi Tehriko Ka Ekhtilaf..”
– Koi Kehta Hai Aap (Sallallahu Alaihay Wasallam) Ko Ilm-e-Gaib Bilkul Bhi Nahi Tha,..
– Aur Koi Kehta Hai Apko Mukammil (Completely) Ilm-e-Gaib Tha ,..
Yaad Rakhey Aise Dono Kism Ke Log Apne Akide Me Kamzor Hai ,.. Inhe Chahiye Ke Sahi Ilm Se Apni Islah Kar Ley ,..

*Kyunki Aap Agar Seerat ka Muta’ala karey Tou Maaloom Hota Hai Ke Aap (Sallallahu Alaihay Wasallam) ke Sath Aise Kayi Wakiyat pesh aaye Jis’se wajeh hota hai ke Aapko Mukammil Gaib Ka Ilm Na Tha , Balki Utna Hi Tha Jitna Allah Ne Aapko Ata Kiya ,..
Iske Talluk Se Allah Rabbul Izzat Quraan Me Wajeh Farmata hai –
♥ Al-Quran: “Aur Aye Nabi ! Aapko Sikha Diya Jo Kuchh Aap Na Jantey They..”(Surah Nisa, Ayat: 113)
♥ Al-Quran: “Gaib Ka Jan’ne Wala Tou Apne Gaib Par Kisi Ko Musallat Nahi Karta Sivaye Apne Pasandida Rasoolon ke, Ke Unke Aage Pichhe Pehra Mukarrar Kar Deta Hai..”
(Surah Jinn, Ayat: 26, 27) – @[156344474474186:]

*Tou Ye Aayate Kaafi Hai Is Baat ki Wajahat Ke Liye Ke Aap (Sallallahu Alaihay Wasallam) Ko Gaib Ka Ilm Tha Lekin Utna hi Jitna Allah ne Ata kiya ,..

*Iske Baad Bhi Agar Koi Ye Akida Rakhey Ke Aapko Mukammil Ilm-e-Gaib Tha Tou Yaad Rakhiye Aisa Shakh Rasool’Allah (Sallallahu Alaihay Wasallam) Ki Mukaddas Seerat Par Sangeen Ilzam Laga Raha Hai.. Usey Chahiye Ke Wo Apne Akide Ki Kitabo Sunnat Ke Mutabik Islah Karey ,..

Isiliye Kyunki Jo Shaksh Ye Kahe Ke Aap (Sallallahu Alaihay Wasallam) Ko Mukammil Ilm–Gaib Tha Wo Rasool’Allah (Sallallahu Alaihay Wasallam) Par Nauzubillah Sahaba-e-Karaam Ke Qatl Ka Ilzam Laga Raha Hai. (Nauzubillah)
– Is Se Mutalik Seerat Me Kayi Mashoor Wakiyat Aatey Hai:

Jisme Se Ek Ye Hai Ke –
Ek Yahudan Ne Aapko Khane Ki Daawat Di, Aap Apne 2 Sahaba Ke Sath Uss Dawat Me Shirkat Kartey Hai,.. Us Yahudan Ne Khane Me Zehar Milakar Aapke Samne Pesh Kiya,.. Aap (Sallallahu Alaihay Wasallam) Wo Khane Ka Luqma Muhh Me Letey Hi Jibrayel (Alaihi Salam) Ne Aakar Aapko Sari Hakikat Batayi , Sunkar Aapne Turant Wo Niwala Thunk Diya ,. Lekin Sahaba Tab Tak Thoda Bohot Kha Chukey They Jis Se Wo Dono Mouke Par Hi Inteqal Kar Gaye ,..

Isi Tarha Seerat Me Ek Aur Mashhoor Wakiya Aata Hai Ke –
Ek Qoum Ke Kuch Log Aap (Sallallahu Alaihay Wasallam) Ke Paas Aakar Kehte Hai Ke Hum Islam Sikhna Chahte Hai , Lihaja Apne Kuch Sahaba Ko Humare Paas Bheje Taaki Hum Unse Basharfe Islam Ho,..
*Aap (Sallallahu Alaihay Wasallam) Ne 70 Khurra Sahaba Jo Shariyat Ka Choti Ka Ilm Rakhte They Unhe Us Qoum Ki Rehnumayi Ke Liye Bheja, Un Basti Walo Ne 69 Sahaba Ka Qatl Kiya Aur Ek Sahabi Bach Kar Aap (Sallallahu Alaihay Wasallam) Ke Paas Aakar Aapko Saari Hakikat Batatey Hai..
*Riwayato Me Aata Hai Ke – Aap (Sallallahu Alaihay Wasallam) Is Wakiye Se Itney Gahmzada Hotey Hai Ke Aapne 40 Din Tak Fazr Ke Namaz Ke Baad Us Qoum Ke Liye Badduwa Ki Hatta Ke Jibrayeel (Alaihi Salam) Ne Aakar Aapko Rok Diya..

*Tou Beharhaal Ye Do Wakiyat Hi Kaafi Hai Is Baat Ki Vajahat Ke Liye Ke Aap (Sallallahu Alaihay Wasallam) Ko Mukammil Ilm-e-Gaib Na Tha , Balki Jo Bhi Tha Wo Allah Ki Ata Se Tha..
Ab Kuch Log Ye Bhi Akida Rakhtey Hai Ke Dekho Aap (Sallallahu Alaihay Wasallam) Ko Ilm-e-Gaib Tha Lihaja Humare Falah Bujurg Ko Bhi Hai,.. Wo Gaib Ka Ilm Rakhtey Hai !
Tou Aisa Akida Rakhne Wale Hazraat Ki Islah Ke Liye Bhi Alahmdulillah Allah Rabbul Izzat Ne Aayat Nazil Kar Di Taaki Wo Bhi Aisi Baddakidagi Se Bachey ….
♥ Al-Quran: “Aur Allah Ki Shaan Ye Nahi Ke, Aye Aam Logon! Tumhe Gaib Ka Ilm Dey De. Haan! Allah Chun Leta Hai Apne Rasoolon Se Jise Chahe..”(Surah Ale-Imran, Ayat : 179)

*Lihaja Hume Chahiye Ispar Ifrad Aur Tafreed Ka Shikar Na Baney , Kami Aur Jyadati Na Kare,. Ispar Aisa Hi Imaan Rakhey Jaisa Sahaba Iman Rakhte They..

♥ In’sha’Allah-Ul-Azeez!
– Allah Rabbul Izzat Humare Imaan Ki Salamti Ata Farmaye..
– Hume Kitabo Sunnat Ko Sahaba Ke Feham Ke Mutabik Samjhne Ki Taufik Dey ..
– Jab Tak Hume Zinda Rakhe Islam Aur Iman Zinda Rakhey.
– Khatma Humara Imaan Par Ho ..
!!! Wa Akhiru Dawana Anilhamdulillahe Rabbil A’lameen !!!
Ameen Allahumma Ameen ,..

You might also like

Leave a Reply

Be the First to Comment!

avatar
wpDiscuz