Hum Hii Mazaq Udaatey Hai Iss Deen Ka ,….

♥ Al-Quraan: Bismillah-Hirrahman-Nirrahim !!!
“(Aye Emaanwalo!) Tum Sabse Behtar Ummat Ho,
Insano Ke Fayde Ke Liye Tumhe Nikala (Paida Kiya) Gaya Hai,
(Tum Behtar Isliye Ho Kyun Ki) Tum Nek Kaamo Ke Liye Hukm Dete Ho
Aur Burey Kaamo Par Ayetraz Kartey Ho Aur Allah Ke Upar Emaan Rakhte Ho”.
– (Sureh Al-Imran(3): Ayat-110)

… Iss Aayate Mubarak Me Allah Rabbul Izzat Ne Muslamano Ko Khair Ummat Se Nawaza ,..
Yaani Ye Fariza Hai Iss Ummat Ka – “Ke Ye Ummat Ek Allah Par Imaan Laati Hai,
Logon Ko Achayi Ki Dawat Deti Hai Aur Burayi Se Rokti Hai ,.. ” – @[156344474474186:]

# Aaj Hume Apne-Apne Aqido Ka Muhasba Karne Ki Jarurat Hai Ke –
» Kya Wakay Me Humne Khair Ummat Hone Ka Haq Ada Kiya ?
» Kya Humne Allah Ki Kitab Aur Rasool’Allah Ki Sunnat Ki Taraf Logon Ko Bulaya ?

*Jabki Aaj Humari Gumarhi Ka Kya Aalam Hai Aur Iska Nuqsaan Kaisa Hum Utha Rahe Hai? Ek Wakiya Bayan Karta Hu ,
Ummid Hai Baat Wajeh Ho Jaye,.. Aur Aqalmand Iss Se Nasihat Hasil Kar Ley,..
Maqsad Humara Kisi Ki Burayi Karna Nahi, Bus Aayina Dikhane Ki Koshish Hai ,..

# Wakiya: Beharhaal Kuch Hi Saalo Pahle Muradabad City Se Ek News Badi Mashhoor Hui Thi ,..
Kuch Hazrat Ne Fatwa Jaari Kar Diya! Ke Jin-Jin Logon Ne Uss Imam Ke Pichey Namaz Padhi Unkey Nikah Toot Gaye!! (Subhan’Allah !!!)
Mehaz Wakiya Ye Tha Ke Namaz Padhaaney Wala Deobandi Aur Padhney Wale Barelvi ,.. (Masha’Allah !!!)
*Jaise Hi Fatwa Jaari Hua Sabhi Hazrat Pareshan Bhag Rahe Hai ,…
*Log Line Se Khadey Hai Apni Biwi Ke Sath Dubara Nikah Padhaaney ,…
*Aur Media Ne Bhi Apni Wafadari Dikhatey Hui Puri News Cover Kar Li ,… (Subhan’Allah!!!)
* * * * * *

• Hume Bataye Kis Ki Baddnami Hui Iss Wakiye Se?
• Hume Bataye Ke Namaz Hakikat Me Padhtey Kis Ke Liye Hai Hum?
• Bataye Hume Ke Rasool’Allah Ke Zamane Me Sahaba Ke Saff Me Munafiq Bhi Namaz Padhtey They !!
• Tou Kya Kabhi Rasool’Allah Ne Kisi Bhi Sahabi Ko Uska Nikah Tutne Ka Farman Sunaya?

#Tajjub Ki Baat Hai –
*Aakhir Sabit Kya Karna Chahte Hai Ye Log Jo Khud Ko Deen Ka Dayi Batatey Hai !
*Aur Ummat Me Iss Kadar Inteshar Failatey Hai Ke Sochtey Tak Nahi Iska Asar Kaha Tak Hoga ,…

.. Yaad Rakhey! Inhi Giney Chuney Bhukkad Logon Ki Imani Kamzori Ki Vajah Se Aaj Dushmane Deen Khul Ke Islam Par Ghatiya Tarike Ke Ilzamat Lagatey Hai,.. (Maz’Allah)

*Jabki Hum Uss Pakiza Shariyat Ke Man’ne Wale Hai Jo Insaniyat Ko Har Haal Me Ek Aur Nek Bananey Ki Talimat Deta Hai ,..
*Aaj Jo Media, Aur Deen Ke Dushman Iss Deen-e-Islam Par, Allah Ki Zaat Par, Rasool’Allah Ki Seerat-e-Mubarak Par Jo Ilzam Laga Rahe Hai Na ,.. Iskey Asal Jimmedar Hum Hi Hai Yaad Rakhiye,.. Hum Hii Mazaq Udaatey Hai Deen Ka ,…
Humari Hi Lailmi Ka Natija Hai Ye Sab,…
* * * * * *

*Kyunki Humne Deen-e-Islam Ko Kitabo Sunnat Se Samjhne Ke Bajaye Chando Ke Dhando Wale Mafadparasto Se Samjhna Chaha ,.. Aur Unhone Bhi Asliyat Ko Humse Chupa Liya Aur Apne Manghadat Akide Shariyte Islamiya Me Gadh Liye,..

# Lekin Alahmdulillah! Allah Rabbul Izzat Inki Poley Khol Raha Hai Hai Din-Ba-Din …
Bus Jarurat Hai Ke Hum Bhi Apni Aankhe Kholey,.. Aur Jitna Ho Sakey Deen Ki Sahi Talim Hasil Kare,..

» Allah Ki Kitab Aur Raool’Allah Ki Sunnat Par Khud Bhi Hum Amal Karey Aur Logon Tak Pochhaye ,..
*Taaki Pata Chaley Logon Ko – “Ke Jis Deen Ke Talluk Se Wo Itni Galatfehmi Rakhtey Hai! Aakhir Ye Deen-e-Islam Hai Kya?
*Allah Rabbul Izzat Kitni Badi Shan Wala Hai ? ,.. Wo Kya Chahta Hai Apne Bando Se ?
*Aur Kya Seerate Mubarak Hai Mere Nabi Ki Jiska Log Lailmi Me Mazaq Udatey Hai ,..

Tou Beharhaal ,.. Mere Azeezo!! Baat Ko Samjhne Ki Koshish Karey ,..
Aur Jitna Ho Sakey Apne Aqeede Ka Muhasba Kare Qurano Hadees Ki Roshni Me ,..

♥ Aakhir me Allah Rabbul Izzat Se Dua hai ke –
# Allah Ta’ala Hume Kehne Sun’ne Se Jyada Amal Ki Taufik Ata Farmaye ..
# Hum Tamam Ko Ek aur Nek Banaye ,…
# Jab Tak Hume Zinda Rakhey Islam Aur Imaan Par Zinda Rakhye…
# Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

🔖 Ummat-e-Nabi.com
🔖 Fb.com/HadiseNabwi

Leave a Reply

avatar