Hiqayat – Part 1 : Roo-e-Zameen Ki Ibteda (Khilqat ka Aagaz)

Roman Urduहिंदी

♥ Bismillah-Hirrahman-Nirrahim ♥

” Allah ke Naam se Shuru jo tamam jahano ko banane wala aur usey palney wala hai,
aur Duroodo Salaam ho uskey aakhri Nabi Rasool’Allah (Sallallahu Alaihi Wasallam) par.”


✦ Sabse Pahle Qalam Ki Takhleekh:

kaha jata hai ke Allah Ta’ala ne roo-e-zameen ki ibteda me sab se pehele Qalam (pen) ko paida kiya, riwaayato me hai ki Zameen ki takhleekh (banaane) ke Taqreeban 50,000 saal pahele Allah Ta’ala ne qalam (pen) ko paida kiya.

Allah Ta’ala ne qalam (pen) ko huqm diya, “likh (write) toh sab se pehle qalam (pen) ne Bismillah Hir Rahemanir Rahim likha, yaani ki Allah ke naam se shuru, jo ki bahut reham karne wala aur bahut meharbaan hai.

Allah Ta’ala ne fir huqm diya, “likh (write)! iss par qalam ne arz kiya, “aye mere Rab ! kya likhoo? Allah Ta’ala ne huqm diya, “ab se Qayamat tak jo bhi hone wala hai, woh sab likh de”. aur Qalam ne tab se lekar Qayamat tak jo bhi hona hai woh sab likh diya jo ki lohe mahefooz me darz hai.


✦ Farsihte, Jinn aur Insan Aadam (Alaihi Salam) ki Takhleekh:

Fir Allah Ta’ala ne Farishto ko Noor se paida kiya, Jinnato ko aag se aur Insaan ko mitti se paida kiya. farishte din-raat Allah ki ibaadat aur hamd-o-sana karte hai aur Allah ne unhe jis kaam par ma’amoor kiya hai farishte uspe amal karte hai. aur thakte bhi nahi.

Allah ne hum insano se pehle jinnato ko aag se banaaya aur unhe zameen ka khalifa (waris) banaya. Iblees jo ki jinnato me se tha uska naam Azazil tha, aur woh bahut ibaadat guzar tha. isi wajah se woh Allah ke muqarab bando me se tha. yahaa tak ki woh jannat me bhi bina rok-tok aaya jaya karta tha.

Allah Ta’ala ne jinnato ko apni ibaadat ke liye banaaya tha, lekin jinnat sirkash ho gaye aur zameen par fasaad karne lage. qatal-o-gairat karne lage.

Baqoul Qurane majid Allah ne farishto se kahaa, “Mai insaan ko Zameen ka Khalifa (waris) banaane wala hoon. iss par farishto ne khadsaa zaahir kiya ki insaan bhi zameen par fasaad karega aur Qatal-o-Gaarat karega. teri ibaadat ke liye hum hi kaafi hai. tab Allah Ta’ala ne kahaa, “main jo jaanta hoon wo tum nahi jaante.”

Allah Ta’ala ne mitti ke khameer se Aadam ka putlaa tayar kiya. ek riwaayat me hai ki aaj jahaa Khana-e-Kaaba hai, uss jagah se mitti li gayee. aur ek riwaayat me hai ki saat (7) alag-alag jagaho se mitti le kar khamira tayar kiya gayaa. aur uss se Aadam ka putlaa banaaya gayaa.


✦ Iblees ka Taqabbur aur Allah ke Huqm ki Nafarmani :

Allah Ta’ala ne Farishto se kahaa, “jab main iss putle me apni Rooh funku (daaloo) to tum sab sajde me gir jaana”. jab Allah Ta’ala ne Aadam ke putle me Rooh daali toh sab ne sajdaa kiya siwaaye Iblees ke.”

Allah Ta’ala ne Iblees se poocha, “jab sab ne sajdaa kiya toh tuney kyon nahi kiya? , tujhe kis cheez ne roka ?. “Iblees ne apni galti nahi maani aur Takabbur (Ghamand) se kahaa. “mai iss se Afzal (behtar) hoon, tuney mujhe Aag se paida kiya aur ise sadi huyee mitti (khanakti huyee mitti) se paida kiya.”

Allah Ta’ala ne kahaa, “nikal ja yahaa se, aaj se tu razim (dhutkaara) huwaa hai, aur tujhpe laanat hai.”

Iblees ne kahaa, “Aye mere Rab, jis ki wazah se tuney mujhe dhutkaara aur laanat ki, mujhe Qayaamat tak mohlat de ke mai isey aur is ki Aulaado ko Gumraah karu aur inhe teri raah se roku, aur mai chahe aage se piche se upar se niche se jahaa se bhi Aau koi mujhe dekh na sake.”

Allah Ta’ala ne kahaa. “Mujhe Apne jalal ki Qasam, ja tujhe mohlat di, lekin mai tujhe aur jo teri pairqi karega unn sab ko jahannum me bhar dunga. aur insaano ki rahenumaayee ke liye mai apne Nabiyo aur Rasoolo ko bhejunga. jo bhi Muttaqi aur Parhezgaar hoga aur Nek Amal karega mai usey Jannat me jagah dooga,..”

Reference: (Qasas-Ul-Ambiya Roman Urdu Script by Mohammed Rafique)

To be Continue …

You might also like

27
Leave a Reply

avatar
19 Comment threads
8 Thread replies
0 Followers
 
Most reacted comment
Hottest comment thread
17 Comment authors
FalakMohammad Ahmad123Mohd IsrarAlfaiz Recent comment authors
newest oldest most voted
zayad ali momin
Guest
zayad ali momin

True

Alfaiz
Guest
Alfaiz

Yes this story True

Arshad
Guest
Arshad

Assalamualaikum
Part 2 nahi mil raha bhai

Reshma khatun
Guest
Reshma khatun

Assalamualaikum

Mohammad Ahmad
Guest
Mohammad Ahmad

Assalam alaikum,
Isa Alaihe assalam ke bare me koi part hai, jis trah se or Nabi ka hai,

Dheeraj vaish
Guest
Dheeraj vaish

Meine ek manaat mangi wa 41 days dargha gaya but 41 be din ko meine niyaaz khud lagayi jisme meine fool lohwaan or parshad chadaya or surah al- fatiha pad k dua maangi ye kya meri niyaaz Kabul hui ya mujhko kisi moulana sahab se he niyaaz lagwani padygi

Musharraf ahmad
Guest
Musharraf ahmad

dheeraj bhai islaam me is tarah ki mannat nahi mani jati. ab to aap jo kar chuke wo kar chuke aage se agar koi mannat ho to akaele me rab se dua karana aur jo kuch kharch karna ho wo kisi gareeb ko paese wagaerah dedena. yahi sahi mannat ka tareeka hai.

mohsin
Guest
mohsin

Gud job

Aas mouhammad
Guest
Aas mouhammad

Plz send me all part

Aas mouhammad
Guest
Aas mouhammad

Plz send me all part on my email add

faimahmad
Guest
faimahmad
Aas mouhammad
Guest
Aas mouhammad

It all knowledgable i like