Haqiqi Zindagi Aur Aakhirat Ke Halaat ….

Marne Ke Baad Insan Ko Pesh Aane Wale Marahel Jinme Barzakh, Soor, Nushoor, Hashar, Hisab, Mizan Aur Seerat Wagaira Shamil Hai, Kis Qadar Takleefdeh Aur Mushkil Honge Uss Ka Andaza Inn Aayato Aur Hadees-e-Mubarak Se Lagaya Ja Sakta Hai.

♥ Irshade Bari Ta’ala Hai Ke !!! Bismillah-Hirrahman-Nirrahim !!!
• Al-Quraan : Qayamat Ka Din Baccho Ko Budha Kardega. – (Surah: Muzammil, Aayat No:17)

• Al-Quraan : Logon Ke Kalije Mooh Ko Aajayenge, Wo Gham Se Bhare Honge, Lekin Koi Gamkisar Aur Sifarashi Muyassar Nahi Aayega. – (Surah:Mumin , Aayat No:18-19)

• Al-Quraan : Uss Roz Ke Azab Se Bachne Ke Liye Mujrim Chahega Ke Apni Aulaad, Apni Biwi, Apne Bhai, Apne Khandan Ko, Jo Uss Ka Sahara Tha, Hatta Ke Roo-e-Zameen Ki Har Cheez Ko Fidya De De Lekin Aisa Mumkin Nahi Hoga. – (Surah:Ma’ Arij, Aayat No:11 To 15)

• Al-Quraan : Us Roz Zalim (Afsos Aur Nadamt Se) Apne Hath Kaat Kar Khayega Aur Kahega “Aye Kash! Mai Ne Rasool Ka Rasta Apnaya Hota! Haye Meri Bad-Bakhti Ke Kaash Mai Falaa (Gumrah Shaks) Ko Apna Dost Na Banaya Hota”. – (Surah:Furqan, Aayat No:27-28)

# Qayamat Ke Baare Me Aap (Sallallahu Alaihay Wasallam) Ki Kuch AaHadees:
♥ Mahfum-e-Hadees : Insan Ki Paidayesh Se Lekar Mout Tak Jitni Bhi Taklifen Insan Per Aati Hai, Mout Ki Taklif Unn Sab Se Zyada Hai Aur Mout Ke Baad Aane Wale Marahel Ki Takleef Mout Se Kayi Zyada Hai. – (Tabarani Sharif)

♥ Mahfum-e-Hadees: Aap (Sallallahu Alaihay Wasallam) Farmate Hai Ke,
Qayamat Me Log Apni Qabron Se Nange Paon, Nange Badan Aur Be-Khatna Uthaye Jayenge!
Aapse Arz Kiya “Ya Rasul’Allah (Sallallahu Alaihay Wasallam)! Kya Log Ek-Doosre Ki Taraf Daikhenge Nahi?”
Aap (Sallallahu Alaihay Wasallam) Ne Farmaya “Uss Roz Ki Musibat Itni Zyada Hogi Ke Kisi Shakhs Ko Kisi Doosre Ki Taraf Dekhne Ka Hosh Hi Nahi Hoga”. – (Muslim Sharif)

♥ Mahfum-e-Hadees: Maidane Hasahr Me, Jahaa Log Nange Paon Aur Nange Badan Honge, Suraj Ek Meel Ke Fasle Per Layaa Jayega, Log Apne Apne Aamal Ke Mutabiq Pasine Me Doobe Huwe Honge, Koi Takhno Tak, Koi Guthno Tak, Koi Kamar Tak Aur Kisi Ko Pasine Ki (Mooh Me) Lagam Aayi Hogi. – (Muslim Sharif)

♥ Mahfum-e-Hadees: Hashar Ka Ek Din 50 Hazar Saal Ke Barabar Hoga. – (Muslim Sharif)

♥ Mahfum-e-Hadees: Logon Ko Hashar Me Itni Takleef Aur Pareshani Hogi Jis Ki Wo Taqat Nahi Rakhte Honge Aur Bardasht Nahi Kar Payenge. – (Bukhari Sharif)

♥ Mahfum-e-Hadees: Jab Pul-Sirat Jahannum Per Rakha Jayega Tou Har Taraf Tareeqi(Andhera) Cha Jayegi Aur Logon Ko Pul-Sirat Se Guzarne Ka Hukm Diya Jayega Jo Ke Baal Se Zyada Bareek Aur Talwar Ki Dhaar Se Zyada Tez Hoga, Uss Waqt Tamam Ambiya Bhi Allah Ta’ala Se Apni Apni Aafiyat Ki Dua Mangenge. – (Muslim Sharif)

Views: 4083

Leave a Reply

2 Comments on "Haqiqi Zindagi Aur Aakhirat Ke Halaat …."

Notify of
avatar

Sort by:   newest | oldest | most voted
iqrasalim
Guest
iqrasalim
1 year 2 months ago
Bismillahirrahmanirrahim ✦ Part 3 – Seerat un Nabee Sal-Allahu Alaihi Wasallam ✦ ✦ Rasool-Allah sallallahu alaihi wasallam ne kabhi kisi khane mein aib nahi nikala , agar aapko pasand hota to kha lete warna chorh dete, Rasool-Allah sallallahu alaihi wasallam itna thahar thahar kar baat karte ki agar koi shakhs unke alfaz gin lena chahta to gin sakta Sahih Bukhari, Vol 5, 3563, 3567 ✦ Rasool-Allah sallallahu alaihi wasallam ke gharwalon ko madine aane ke baad 3 din tak barabar kabhi gehu (wheat) ki Roti khane ko nahi mili, Rasoollallah Sallallahu Alaihi Wasallam ke gharwalon ne kabhi ek din mein… Read more »
saniya
Guest
saniya
1 year 2 months ago

Subhanallah !! Very nice…..

wpDiscuz