Ghussa aur Iska Ilaaj Aahadees ki Roshni me (Cures for Anger from the Sunnah)

♥ Mafhoom-e-Hadees: Rasool’Allah (Sallallahu Alaihay Wasallam) ne Apni Ummat ko Baat-Baat par Gussa Karne se Manaa Farmaya. Chunanche Hadees Sharif me hai ki ek Aadmi Rasool’Allah(ﷺ) ke Darbar me Hazir Hua aur Arz kiya ki – “Aye Allah ke Rasool (Sallallahu Alaihay Wasallam) ! Mujhe kisi Amal par Hukm Dijiye Magar bohot hi thoda ho.”

Tou Aap (Sallallahu Alaihay Wasallam) Ne Irshaad Farmaya – ‘Ghussa Mat Kar…’

Usney Kaha Ki Kuch Aur Irshaad Farmaiye. tou Aap (Sallallahu Alaihay Wasallam) Ne Phir Yahi Farmaya Ki, ‘Ghussa Mat Kar’,… Phir kai baar Uss Aadmi ne Maloom kiya Magar har baar Aapne yahi farmaya ki, ‘Gussa Mat Kar..’
(Bukhari Sharif, Mishkat 2-433, Ahyaul’ulum 2-165 Misri)


Ek aur Riwayat me aata hai ke –
Rasool’Allah (Sallallahu Alaihay Wasallam) Ne Irshaad Farmaya Ki –  “Pehlwan Woh Nahi Jo Logo Ko Pachad Deta Hai, Balki Pehlwan Woh Hai Jo Ghusse Ki Halat Me Apne Nafs Ko Qaabu Me Rakhe”.
(Mishkat 2-433, Mujatbai)


✦ Ghusse Ka Ilaaj:

Jab Bemouka Ghusse Ki Jahalahat Aadmi Par Sawaar Ho Jaaye Tou Nabi-e-Kareem (Sallallahu Alaihay Wasallam) Ne Farmaya Hai Ki –

“Uss Shakhs Ko Chahiye Ki Wah Fauran Hi Wuzu Karey! Isliye Ki Bemouka Ghussa Dilane Wala Shaitaan hai aur Shaitaan Aag Se Paida Kiya Gaya hai aur Aag Paani se Bujh Jaati hai Isliye Wuzu Gusse ki Aag ko Bujha Deta hai”

(Mishkat 2-435, Mujtabai)

For more Islamic messages kindly download our Mobile App

You might also like

Leave a Reply

avatar