⭐ Gaali Galaoch aur Geebat ka Azab


♥ Mahfum-e-Hadees: Abu Hurairah (Razi’Allahu Anhu) Se Riwayat Hai Ke,
Ek Baar Nabi-e-Kareem (Sallallahu Alaihay Wasallam) Ne Sahaba Se Farmaya –
‘Kya Tum Jante Ho Diwaliya Aur Muflis Kaun Hai? ‘
Sahaba Ne Arz Kiya Ki – ‘Hamare Yahan Tou Diwaliya Usse Maana Jata Hai Jiske Paas Na Ek Dirham Ho Aur Na Tou Koi Saamaan!’

*Aap (Sallallahu Alaihay Wasallam) Ne Farmaya – “Meri Ummat Ka Muflis Wo Hai Jo Qayamat Ke Din Apni Roza, Namaz Aur Zakaat Ko Saath Lekar Hazir Hoga,
Magar Uske Sath Wo Log Bhi Hazir Honge, Jin Me Se – Kisi Ko Usney Duniya Me Gaali Di Hogi, Kisi Par Jhoota Ilzaam Lagaya Hoga, Kisi Ka Maal Maar Khaya Hoga, Kisi Ka Khoon Kar Dia Hoga, Kisi Ko NaaHaq Mara-Peeta Hoga!
– Tou Unn Tamaam Mazloomo Me Uss Aadmi Ki Nekiyan Baanti Jaane Lagengi,
Aur Agar Baant’te-Baant’te Nekiyan Khatm Ho Jaayengi Magar Usney Jin Logo Pe Zulm Ki Hai Abhi Unkey Haq Baaki Reh Gaye Honge,
– Tou Unn Sataaye Huye Logo Ke Gunaah Iss Aadmi Ke Hisaab Khatey Me Daal Diye Jaaynge
Aur Fir Isey Jahannam Me Phenk Dia Jayega.
(Muslim Sharif Kitab-32, Hadees-6251)

# Sabaq: Iss AaHadeese Mubarak Se Maloom Hua Ke Allah Ke Bando Ke
Haq Maarne Wala Aur Unpar Nahaq Zulm Karnewala Roze Qayamat Sabse Badd’tar Shakhs Hoga..
Uss Din Na Uska Roza Usey Fayda Dilane Wala Aur Naa Hi Uski Namaz Aur Naa Hi Uski Zakaat.
Jab Tak Ke Wo Shakhs Khud Apne Kiye Par Nadeem Hokar Unn Sabse Muafi Mang Na Le
Tab Tak Wo Allah Ke Nazdik Bakhshish Ke Layaq Na Hoga..
Allah Ta’ala Hume Har Kism Ke Zulm Se Bachney Aur Bachaaney Ki Taufiq Ata Farmaye..

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 4665

Leave a Reply

2 Comments on "Gaali Galaoch aur Geebat ka Azab"

Notify of
avatar

Sort by:   newest | oldest | most voted
Zainuddin
Guest
Zainuddin
3 months 19 days ago

Mashaallah

Tariq mehmood
Guest
Tariq mehmood
2 months 15 days ago

Ameen ya allha

wpDiscuz