Fazaile-Quran-5

Fazail-e-Quraan: Part 5

# WAKIYA-2: Jam’ad Asadi (Razi’Allahu Anhu) ,.. Ye Nabi-e-Kareem (Sallallahu Alaihay Wasallam) Ke Aailan-e-Naboowat Se Pahle Ke Ek Dost They ,..

*Hua Youn Ke Jab Aap (Sallallahu Alaihay Wasallam) Ne Islam Ki Dawat Di Fir Kaafi Arse Baad Insey Mulaqaat Hui ,.. Yaani Pahle Dosti Thi Fir Jab Naboowat Ka Ailaan Kiya Rasool’Allah (Sallallahu Alaihay Wasallam) Ne Tou Unko Pata Nahi Chala ,..

*Uske Baad Jab Wo Ek Baar Makka Aaye Tou Logon Ne Bataya Ke Tumhara Dost Muhammad (Sallallahu Alaihay Wasallam) Tou Gumraah Ho Gaya ,.. Apne Baap-Dada Ke Deen Se Fir Gaya ,.. Majnoon Ho Gaya Hai ,.. (Maaz’Allah) !!

*Jam’ad Asadi (Razi’Allahu Anhu) Doure Jahalat Me Jhaad-Foonk Ka Kaam Karte They ,.. Logon Ka Ilaaj Karte They Jo Majnoon Ho Jatey They,…

*Ye Kaafi Din Tak Rasool’Allah (Sallallahu Alaihay Wasallam) Se Nahi Miley,.. Ke Kahi Mai Bhi Na Gumraah Ho Jau Insey Milkar ,.. Log Wakay Me Itna Darr Rahe Hai Tou Kuch Na Kuch Tou Baat Hogi….

• Ek Martba Socha Ke Mai Khud Ek Qaheen Hu,… Mai Khud Jhaad Foonk Karta Hu ,.. Mujhe Kya Koi Behkayega ? ,..
*Ho Sakta Hai Ke Muhammad (Sallallahu Alaihay Wasallam) Par Koi Jinn Sawar Hua Hoga,.. (Nauzubillah)!!
*Tou Mai Aisa Karta Hu Ke Ek Baar Ja Kar Inka Ilaaj Kar Deta Hu,. Aur Ilaaj Jab Kar Dunga Tou Mera Naam Bohot Mashhoor Ho Jayega,.. Ki Maine “Muhammad-Bin-Abdullah” Ka Ilaj Kiya ,.. (Sallallahu Alaihay Wasallam)

• Yaani Abu Talib Ke Baad Rasool’Allah (Sallallahu Alaihay Wasallam) Hii Quraish Ke Wali-Ahad Honey Wale They, Tou Maine Quraish Ke Wali-Ahed Ka Ilaaj Kiya Ye Baat Mashhoor Ho Jayegi ,….

*Iss Niyat Se Ek Din Gaye Aur Kaha – “Aye Muhammad (Sallallahu Alaihay Wasallam) ! Agar Aap Majnoon Ho Gaye Honge ,.. Aap Par Koi Jinn Sawar Hua Hoga Tou Mai Utaar Deta Hu ,.. Lekin Ek Shart Par! Ke Mera Naam Aap Baad Me Lena Ke Maine Aapka Ilaaj Kiya ,… ”

*Aap (Sallallahu Alaihay Wasallam) Ne Kaha Ke – “Tum Pahle Apna Qalaam Pesh Karoge Ya Mai Kar Du?”
*Unhone Kaha Ke – “Aap Hi Padhkar Sunaniye ,…”

*Nabi-e-Karam (Sallallahu Alaihay Wasallam) Ne Khudba-e-Haajat Shuru Kiya Aur Uske Baad Chand Aayate Hii Tilawat Ki Quraan Ki ,.. Ke Wo Itne Mutaseer Hue Aur Kaha Ke – “Ye Qaahin Ka Qalaam Nahi Ho Sakta ,.. Yakinan Ye Haq Baat Hai,.. Aur Usi Hakiki Rab Ka Qalaam Hai”
Aur Wahi Imaan Laye Allah Ke Rasool (Sallallahu Alaihay Wasallam) Par,….
Subhan’Allah … Iss Liye Kyunki Ye Kitabe Hidayat Hai ,…
Ref – “Companions of The Prophet” – @[156344474474186:]

# SABAQ: Iss Wakiye Me Gour karne Waali baat hai ke Logon Ki Suni-Sunayi Baato Par Aitmaad karne Ke Bawajud Unke Akal ne Unka Saath Diya Aur Logon ke Behkaawe se Bahar Nikal Kar Wo Shakhs Allah ke Rasool ke Paas Pohoche Aur Imaan Laa Kar Sahabi Hone Ka Sharf Hasil Kiya ,..

# Aur Aaj ka Muamla Tou Bilkul Mukhatlif Hai ..
*Chand Mafad-Parsto ne Keh Diya Ke Quraan Padhne se Gumraah ho Jaoge Isiliye Humare Kayi Nadaan Musalmano Ne Quraan se Doori Ikhtiyar kar Li ,..
*Usi Quraan Ko Kisi Ke Marne ke Baad Jahilana Aqeede se Bakhshwate hai Lekin Kabhi Zindagi me Usey Khol Kar Uskey Paigamaat Par Gour Nahi Karte ..

*Aakhirat me Bohot Sakth Mua’mla hoga Unn Logon ke Sath Jo Allah ki Hidayat ke Sath Aisa Sulooq Karte Hai …

♥ Allah Ta’ala Hum Tamaam Ko Apne Qalaam (Quraan-e-Majid) Ki Hidayat ko Samjhne Ki Aur Uspar Amal Ki Taufiq Dey !

To Be Continue …

🔖 Ummat-e-Nabi.com
🔖 Fb.com/HadiseNabwi

☼ Fazail-e-Quraan (Parts)

1 2 3 4 5 6 7 8 9 10 11 12

Views: 3002

Leave a Reply

4 Comments on "Fazail-e-Quraan: Part 5"

Notify of
avatar

Sort by:   newest | oldest | most voted
RAMEEZ SHAIKH
Guest
RAMEEZ SHAIKH
1 year 9 months ago

♥Assalamu Alaikum ♥ Warahmatullahi♥Wa♥Barakaatuhu♥

BESHAK SUBHAAN ALLAH BAHOT HI SAHIH FARMAYA HAZRAT !

RAMEEZ SHAIKH
Guest
RAMEEZ SHAIKH
1 year 9 months ago

MERA 1 SAWAAL HAI DOST

KIN MAFAD PARASTO NE KAHA THA K QURAN PADHNE SE GUMRAH HO JAOGE ?

DAR ASAL BAAT YE HAI K MAINE AAP KI IS POST KO FB PAR UPDATE KIYA TO MERE EK FREIND NE YE SAWAAL PUCHA HAI ! ISI LIYE MUJHE JAANNA HAI , JAZAAK ALLAHU KHAIRAH

inzamam azmi
Guest
inzamam azmi
1 year 9 months ago

beshak subahnallah
sahi farmaya
ameeen

Nadia
Guest
Nadia
1 year 7 months ago

subhanallah

wpDiscuz