Muaf karo Logon Ko

Dushman Ko Muaf Karna Acche Nafs Ki Zeenat …..

♥ Al-Quraan: Bismillah-Hirrahman-Nirrahim !!!
“Jo Ghusse Ko Pee Jaate Hai Aur Doosro’n Ke Kasoor Muaf Kar Dete Hain, Aise Log Allah Ko Bohat Pasand Hain.”
(Surah-Al-Imran 3:134)

♥ Hadees : Jo Shakhs Kisi Ko Muaf Kar Deta Hai, Usse Allah Ta’ala Izzat se Sarfaraz Karta Hai.
(Muslim Sharif)

♥ Hadees : Wo Shakhs Jannati Hai Jo Raat Ko Soney Se Pehle Sab Ko Mua’af Ker Ke Soye.

♥ Hadees : Ek Roz Sayyiduna Musaa (Kalimullah Alaihi Salam) Ne Arz Kiya Ke, “Aey Rab! Tere Nazdeek Kaun Sa Banda Zyada Izzat Wala Hai?”
Allah Ta’ala Ne Farmaya – “Wo Jo Badla Lene Ki Kuwwat Ke Ba’wajud (Dushman Ko) Muaf Karde”.
(Sho’abul Iman, Jild-6, Page No.319, Hadees#8327)

» Qaul-e-Mubarak : Logon Ko Itni Jaldi Muaf Kar Diya Karo Jitni Jaldi Tum Allah Se Muafi Ki Ummid Rakhte Ho.
Hazrate Umar-e-Farooq (Razi’Allahu Anhu)

» Qaul-e-Mubarak: Agar Tum Badla Lena Chahte Ho Tou Aisa Badla Lo Ke, Saamne Wala Zindagi Bhar Yaad Rakhe, Aur Aisa BADLA ! Muaf Kar Dena Hain.
Hazrate Ali (Razi Allahu Anho)

» Qaul-e-Mubarak : Bhookey Ko Khana Kheelana, Hajat-Ravayi Karna, Dushman Ko Muaf Kar Dena Acche Nafs Ki Zeenat Hai.
Hazrate Khwaja Moin-Ud-Din Chitsti (Rahmatullah Alayh)

♥ In’sha’Allah-Ul-Azeez !!!
Allah Ta’ala hume Kehne Sun’ne Se Jyada Amal Ki Taufk De
Ameen ! Alahumma Ameen

Views: 3500

Leave a Reply

Be the First to Comment!

Notify of
avatar

wpDiscuz