"the best of peoples, evolved for mankind" (Al-Quran 3:110)
Browsing Category

Short Hadees

Logo ki Zaroorat poori karne wale Allah ke Azab se Mehfooz rahenge

♥ Mafhoom-e-Hadees: Abdullah ibn Umar (RaziAllahu Anhu) se Riwayat hai ke, Allah ke Rasool (Sallallahu Alaihay Wasallam) ne farmaya: "Allah Ta'ala ne Kuch Bando ko Logon ki Zaroorate poori Karne ke liye Paida Farmaya, Log unke Paas Apni Jarurat Le kar Jaate hai, Logo ki Zaroorat poori karne wale Yeh Log Allah ke Azab se Mehfooz rahenge.. " - (Tabraani Kabeer: Hadith No.13334)

Jo Shakhs Kamaata nahi aur logon se Maangta phirta hai

♥ Mafhoom-e-Hadees: Allah ke Rasool (Sallallahu Alaihay Wasallam) farmate hai: "Jo Shakhs (logon se) maangne ka Darwaaza kholta hai, (Kamaata nahi hai aur logon se Maangta phirta hai) tou Allah Ta'ala us par Tangi (Financial Crisis) ka Darwaaza khol deta hai." - (Tirmizi: Hadith no. 2325)

Wo Baat Sun’ne wale ke paas Amanat hai

♥ Mafhoom-e-Hadees: Jabir bin Abdullah (RaziAllahu Anhu) se Riwayat hai ke, Nabi-e-Kareem (Sallallahu Alaihay Wasallam) ne farmaya: "Jab Aadmi koi baat batatey waqt idhar udhar dekhe, tou wo baat Sun'ne wale ke paas (Raaz aur) Amanat hai" - (Abu Dawood: Hadith No. 4868)

Jo Apne Bhai Ki Madad Karega

♥ Mafhoom-e-Hadees: Abdullah ibn Umar (RaziAllahu Anhu) se Riwayat hai ke, Allah ke Rasool (Sallallahu Alaihay Wasallam) ne Farmaya: "Jo apne Bhai ki Jarurat Poori karega, Allah Ta’ala us ki Jarurat Poori Karega" - (Bukhari 2442)

Allah Ta’ala ko Sabse Napasandeeda Lagne waali baat

♥ Mahum-e-Hadees: Abdullah bin masood (RaziAllahu Anhu) se rivayat hai ki, RasoolAllah (Sallallahu Alaihi Wasallam) ne farmaya: "..Allah Subhanhu ko sabse Napasandeeda (buri) baat ye lagti hai ki koi shakhs kisi se kahe ki Allah se daro aur wo kahne lage tu apni fikar kar,.." - Al SilSila As Sahiha, 2809 - Al Baihiqi,601-Sahih

Kisi Ko Nuqsaan Na Pahunchhao

♥ Mafhoom-e-Hadees: RasoolAllah (Sallallahu Alaihay Wasallam) Ne Irshad Farmaya; " Na Kisi Ko Nuqsaan Pahunchhao, Na Nuqsaan Pahunchane Ka Zariyah Bano." - (Musnad Ahmad : 2865) ♥ In Sha Allah ul Azeez !!! Allah Ta'ala hume Kehne Sun'ne se Jyada Amal Ki Taufik Dey ,..

Kin Logo ki Gawaahi Jayaz Nahi ?

♥ Mafhoom-e-Hadees: Sulaimaan bin Moosa Ne Apni Sanad Se Bayan Kiya Ki RasoolAllah (Sallallahu Alaihay Wasallam) Ne Farmaya: "Kisi Khayanat Karne Waale Mard Aur Aurat, Zina Karne Waale Mard Aur aurat, Ya Aapne Bhai Ke Bare Me Dushmani Aur Keena Rakhne Waale Ki Gawaahi Ja'iz Nahi,.." - Sunan Abu Dawood, Hadees No.3601

Murgey ko bura bhala na kaho

♥ Mafhoom-e-Hadees: Zaid bin Khalid (RaziAllahu Anhu) se riwayat hai ke, Rasool'Allah (Salallahu Alaihi wasallam) ne farmaya: "Murgey ko bura bhala na kaho, kyun ke wo Namaz (fajar) ke liye jagata hai,.." - Sunan Abi Dawud 5101-Sahih - In-book refe:Book 43, Hadith 329

Aye Mere Rabb! Hume Duniya Me bhi Bhalayi Ata Farma

♥ Mafhoom-e-Hadees: Anas bin Malik (RaziAllahu Anhu) Se Riwayat Hai Ki, RasoolAllah (Sallallahu Alaihay Wasallam) Ye Dua Kiya Karte They, "Aye Mere Rabb! Humein Duniya Mein Bhi Bhalayi Ata Farma Aur Aakhirat Mein Bhi Aur Jahannam Ke Aazab Se Bacha,.." - Sahih Al-Bukhari, Hadith no. 4522

Sab se Behtar Banda

♥ Mafhoom-e-Hadees: "Rasool-Allah (SalAllahu-alaihe-wasallam) ne farmaya; Logo me sab se Behtar wo hai jo, Paak aur Saaf Dil wala ho aur Sacchi Zubaan wala ho ,.. Paak-Saaf Dil wala woh Parhezgaar insan hai, Jiske Dil me koi Gunaah, Zulm-o-Zyaadati, Jalan aur Hasad aur Nafrat na ho." - Ibn-Majah Hadith no.4216 ♥ In'sha'Allah ul Azeez !!! Allah Taala hume kehne sun'ne se jyada Amal Ki Taufik Deu…