Behtar Aawaaz Me Salaam Kiya Karo ….

» Mahfum-e-Hadees : Hazrate Abu Huraira (Razi’Allahu Anhu) Se Riwayat Hai Ki,
Rasool’Allah (Sallallahu Allaihi WaSallam) Ne Farmaya:
“Jab Tum Me Se Koi Shakhs Apne Islami Bhai Ko Miley, Tou Usko Salaam Kare,
Aur Agar Unke Darmiyan Darakht, Deewar Ya Patthar Wagairah Koi Cheez Ki Aad Ho Jaye
Aur Wo Shaqs Dobara Miley, Tou Dobara Salaam Kare”.
(Abu Daood)

» Mas’ala: Salaam Itni Awaz Se Kahe Ki Jisko Salaam Kiya Hai Wo Sun Le Aur Agar Itni Aawaz Na Ho Tou Jawab Dena Wajib Nahi, Jawabe Salaam Me Bhi Itni Awaaz Ho Ki Salaam Karne Wala Sun Le Aur Agar Itna Ahista Kaha Ki Wo Sun Na Saka Tou Wajib Sakit Na Hua, Aur Agar Wo Behera Hai Tou Uske Samne Hoth Ko Jumbish De Ki Uski Samajh Me Aa Jaye Ki Jawab De Diya! Chik Ke Jawab Ka Bhi Yahi Hukm Hai !!!
(Kanoon-e-Sharyat Page No 478)

Views: 1397

Leave a Reply

Be the First to Comment!

Notify of
avatar

wpDiscuz