⭐ Bimari Momeen Ko Gunaaho Se Paak Kar Deta Hai ,…


♥ Mahfum-e-Hadees: Abu Huraira (Razi’Allahu Anhu) Ne Farmaya Ki,
“Rasool-e-Kareem (Sallallahu Alaihay Wasallam) Ke Paas Bukhar Ka Charcha Kiya Gaya, Tou Ek Shakhs Ne Bukhar Ko Bura Kaha,..
Aap (Sallallahu Alaihay Wasallam) Ne Farmaya –
“Bukhaar Ko Bura Na Kaho !, Iss liye Ki Wo (Momeen Ko) Gunaaho Se Iss Tarah Paak Kar Deta Hai, Jaise Aag Lohe Ki Mail Ko Saaf Kar Deta Hai”.
(Ibne Majah)

♥ Mahfum-e-Hadees: Rasool’Allah (Sallallahu Alaihay Wasallam) Jab Kisi Bimaar Ki Ayadat Ke Liye Tashrif Le Jaate Tou Farmate, “Koi Darr Nahi! Bimaari Gunaahon Se Paak Karne Waali Hai”.
(Bukhari Sharif)

♥ Mahfum-e-Hadees: Abdullah (Razi’Allahu Anhu) Bayan Karte Hai Ki, Mai Nabi (Sallallahu Alaihay Wasallam) Ke Paas Unki Bimaari Me Gaya Tou Aap Ko Tez Bukhar Tha.
Maine Arz Kiya, ‘Huzoor! Apko Tez Bukhar Hai, Iss liye Apko Dohara Sawaab Milega? ‘.
Nabi-e-Kareem (Sallallahu Alaihay Wasallam) Ne Farmaya –
“Haa Koi Musalman Aisa Nahi Hai Jo Kisi Pareshani Me Ho Tou Allah Uske Gunaaho Ko Aise Door Kar Deta Hai, Jaise Pedh(Tree) Se Pattey Jharh Jate Hai..”
Sahih Bukhari Volume 007, Book 070, Hadees-564.

# Gunaaho Ka Kaffara Hai Bimaari, Takleef Aur Marz
♥ Mahfum-e-Hadees: Abdullah Ibne Masud (Razi’Allahu Anhu) Ne Kaha Ki,
Rasool-e-Kareem (Sallallahu Ta’ala Alaihi Wasallam) Ne Farmaya Ki –
“Nahi Pahuchti Musalmaan Ko Koi Takleef, Marz Ya Uske Siwa Kuch Aur! Lekin Allah Taala Uss Ke Chote Gunaaho Ko Jhaad Deta Hai, Jaise Darkht (Tree) Se Patte Jhaadate Hai..”
(Bukhari Sharif, Muslim Sharif)

♥ Mahfum-e-Hadees: Har Bimaari Allah Ki Taraf Se Hoti Hai Aur Momin Ke Liye Gunaaho Ka Kaffara Ban Jati Hai. Rasool-e-Kareem (Sallallahu Alaihay Wasallam) Ka Farman Hai Ki,
“Allah Jis Bande Ke Sath Bhalai Karna Chahta Hai Tou Isey Apni Taraf Se Bimaari Me Mubtila Kar Deta Hai..”
(Bukhari Shareef)

♥ Mahfum-e-Hadees: Rasool’Allah (Sallallahu Alaihay Wasallam) Ne Farmaya –
“Musalmaan Ko Ranz, Dukh, Fikr Aur Gham Pahunchta Hai Yahan Tak Ki Agar Usey Kaanta Bhi Lagta Hai Tou Wo Taklif Uss Ke Gunhaon Ka Kaffara Ban Jati Hai..”
(Bukhari-Kitabul Marzah, Hadees.5460, 5641, 56 42+Muslim Hadith No.2571)

# SABAQ: Lihaja Hume Bimari Aur Sehat Dono Surate Haal Me Allah Ta’ala Ka Shukr Ada Karna Chahiye. Bimari Aazmaish Bhi Hai Aur Gunaaho Ka Kaffara Bhi. Hume Har Haal Me Sabr-o-Shukar Ada Karna Chahiye.
Inn Do (2) Kamo Se Allah Ta’ala Gunaah Bhi Mita Deta Hai Aur Aakhirat Me Azar-e-Azeem Bhi Ata Farmayega..
(In’sha’Allah-Ul-Azeez !!! Allah Ta’ala Hume Amal Ki Toufik De) !!!!

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 7743

Leave a Reply

Be the First to Comment!

Notify of
avatar

wpDiscuz