Har Gunaaho Ki Magfirat – Bashartey Ke Shirk Na Kiya Ho …

♥ Mafhoom-e-Hadees: Anas-Bin-Malik (Razi’Allahu Anhu) Se Riwayat Hai Ke,
Rasool’Allah (Sallallahu Alaihay Wasallam) Ne Irshad Farmaya Ke –
Allah Subhanahu Wa’Tala Farmata Hain:
“Aye Ibn Adam! Jab Tak Tu Mujhe Pukarta Rahega Aur Mujh Hi Se Ummiden Wabasta Rakhega Main Tujhe Muaf Karta Rahunga Chahe Tere Aamal Jaise Bhi Hon
– Aur Main (Tujhe Bakhshte Hue) Parwah Tak Na Karunga.”
– Aye Ibn Adam! Agar Tere Gunah Aasman Ki Bulandiyon Tak Bhi Pahoch Jayen Aur Tu Mujh Se Muafi Mange Tou Main Tujhe Muaf Kardunga Aur Parwah Tak Na Karunga.
– Aye Ibn Adam! Agar Tu Itne Gunah Kar Ke Aaye Ke Roo-e-Zameen Bhi Bhar Jaye Tou Main Bhi Zameen Bhar Magfirat Ke Sath Tujh Se Milunga (Yaani Bharpoor Magfirat Kardunga) Bashartey Ke Tuney Shirk Na Kiya Ho.”
– [Jami` At-Tirmidhi 3540-Hasan] – @[156344474474186:]

♥ Subhan’Allah!! Allahu Akbar !!!
Beshaq Allah Ke Paas Har Gunaaho Ki Magfirat Hai Bashartey Ke Banda-e-Momin Ke Aamal-o-Aqeede Shirk Ki Najas Se Paak ho …

♥ In’sha’Allah-Ul-Azeez!!!
– Allah Rabbul Izzat Hume Tamam kism ke Khuley Aur Chipey Shirk Se Bachaye,.
– Humey Kitabo Sunnat ka Muttabey Banaye,..
– Jab Tak Hume Zinda Rakhey Islam aur Imaan Par Zinda Rakhey ,..
– Khatma Humara Imaan Par Ho ,..
!!! Wa Akhiru Dawana Anilhamdulillahe Rabbil A’lameen,
Ameen ! Allahumma Ameen …

More Hadees

More Hadees

Comments
Loading...