Aulad-ki-Tarbiyat-1

⭐ Aulaad Ki Tarbiyat (Part-1)


*Allah Ke Naam Se Shuru Jo Tamam Jahano Ko Banane Wala Aur Usey Palney Wala Hai! Aur Duroodo Salaam Ho Uskey Aakhri Nabi-e-Rehmat Rasool-e-Kareem (Sallallahu Alaihi WaAalihi WaSallam) Par ,….

– Aaj Kal Aksar Dekha Jata Hai Ke Walidain Apni Aulaad Ke Talluk Se Pareshan Rehte Hai Ke Kis Tarha Unki Tarbiyat Ki Jayey. Kis Tarha Unhe Acha Momin Banaye.. Aur Yahi Cheez Yaani Aulaad Ki Tarbiyat Aaj Ke Jadeed Dour Me Ek Sangeen Masla Hai, Aur Iski Shiddat Har Gujarne Wale Saal Me Badhti Ja Rahi Hai,..

♥ In’sha’Allah-Ul-Azeez! Hum Is Unwan me Aulaad Ki Tarbiyat Ke Tehat Kuch Nuqaat (Points) Aapke Samne Rakhne Ki Koshish Karenge,.. Aapse Darkhwast Hai Ke Ispar Jarur Tawajjo De Aur Jitna Ho Sakey Isey Jyada Se Jyada Logon Tak Pohochane Me Humari madad Kare ,..

*Sabse Pehli Baat Ye Ke – “Aulaad Allah Rabbul Izzat Ki Taraf Se Ek Neymat Hai,.”
– Aur Jaisa Ke Har Neymat Ke Talluk Se Allah Rabbul Izzat Humse Puch Karega Tou Aulaad Bhi Ek Neymat Hai Lihaja Iske Talluk Se Bhi Sawal Kiya Jane Wala Hai Ke – Kya Aur Kaise Iski Tarbiyat Ki ?…
*Jiske Talluk Se Allah Rabbul Izzat Quran Me Farmata Hai :
Aye Wo Logo Jo Iman Laye Ho! Apne Aap Ko Aur Apne Ahlo Ayal Ko Jahannum Ki Us Aag Se Bachao Jiska Endhan Insan Aur Patthar Honge ” – Al-Quran 66:6 – @[156344474474186:]

– Tou Yaha Allah Rabbul Izzat Ne Apne Bando Par Ye Farz Kar Diya Hai Ke, Mere Bando Apne Aapko Aur Apne Biwi Baccho Ko Jahannum Ki Aag Se Bachao,.. Yaani Unki Aisi Tarbiyat Karo Ke Wo Halal Aur Haram Me Tafreeq Kar Sakey,. Allah Aur Uske Rasool Ki Farmabardari Karey Aur Har Uss Amal Se Bachey Jo Duniya Aur Aakhirat Ke Khassare Ka Sabab Baney …

*Tou Aulaad Ki Tarbiyat Yaad Rakhiye Bohot Aham Aur Sangeen Masla Hai, Iski Ahmiyat Aur Jarurat Ko Samjhiye, Iske Duniyawi Aur Ukhravi Faydo Ko Janiye, Agar Humne Aisa Na Kiya Tou Dunia Aur Akhirat Ka Bada Nuqsan Uthana Lazim Hai,..

# Aulaad Ki Tarbiyat Na Karne Ke Nuqsanat:
– Aulaad Walidain Se Jhagda Karti Hai, Waildain Ko Gaaliya Deti Hai, Aas-Pados Ko , Mahoul Aur Muashre Ke Logo Ko Takleef Pohochati Hai,.
– Walidain Ko Ruswa Karke Ladke Ladkiya Bhagakar Kar Nikah Kar Lete Hai,
– Budhey Walidain Ko Ghar Se Nikaal Kar Old Age Home Me Chorr Aatey Hai,
– Hatta Ke Chand Duniyawi Mafad Ke Liye Walidain Ka Qatl Tak Kar Lete Hai (Astagfirullah),.

*Aise Wakiyat Ki Fehrist Hum Nikalenge Tou Bohot Lambi Hoti Jayegi.
Beharhaal Ye Sirf Aur Sirf Aulaad Ki Sahi Tarbiyat Na Karne Ka Natija Hai,.
– Aur Pata Bhi Nahi Aise Kitne Jarayem Hotey Hai Jiski Sangeeni Aur Inteha Hum Bayan Bhi Nahi Kar Sakte,.
– Is Liye Kyunki Aulaad Ki Sahi Tarbiyat Nahi Hoti. Aur Jab Ek Baccha Apne Walidain Ke Sath Ye Sulook Karta Hoga Mu’ashre Aur Mahoul , Padosi Aur Musafiro Ka , Sath Wale Logon Ka Kya Sulook Karta Hoga Wo Tou Sirf Gumaan Hi Kiya Ja Sakta Hai ,..

*Tou Aulaad Ki Tarbiyat Ye Bohot Aham Masla Hai Yaad Rakhiye. Aur Agar Humne Ye Na Kiya Tou Dunia Aur Aakhirat Ki Badi Ruswayi Hai Humare Liye ,..

♥ In’sha’Allah ! Agle Part me Hum Aulaad ki Tarbiyat Ke talluk Se Chand Aham Nuqaat par Gour Karenge ,..

To be Continue …

[vgpc id=”29610″]

*Apne Mobile par Daily Hadith Notifications Pane ke liye Ummat-e-Nabi App ko Install Kare
» https://goo.gl/U5oXx2

Views: 4097

Leave a Reply

Be the First to Comment!

Notify of
avatar

wpDiscuz