Apne Bhai Ke Liye Bhi Khair Talab Kiya Kare ….

♥ Mafhoom-e-Hadees: Anas (Razi’Allahu Anhu) Se Riwayat Hai Ke, Rasool’Allah (Sallallahu Alaihay Wasallam) Ne Farmaya –
“Tum Me Se Koi Shakhs Imanwala Na Hoga Jab Tak Apne Bhai Ke Liye Wo Na Chahey Jo Apne Nafs Ke Liye Chahta Hai.”
(Sahih Bukhari: 13)

*Wajahat: Yeh Humare Nabi ﷺ Ki Apni Ummat ko itni Umda Talim Hai Ki Agar is Par Amal Kiya Jaye Tou Sirf Ghar Aur Mulk Me Hi Kya Sari Duniya Me Aman Qayam Ho Jaye,
Kyonki Koi Shakhs Kabhi Apne Liye Yeh Pasand Nahi Karta Ki Usko Gaali Di Jaye, Usko Pareshan Kiya Jaye, Uska Haq Dabaya Jaye, Usey Mara Jaye, Uski izzat aur Maal Ko Loota Jaye Tou Usey Bhi Chahiye Ki Jo Apne Liye Pasand Karta Hai Woh Apne Bhai Ke Liye Pasand Kare. Aur Jab Aisa Karega insaan Tou Sari Duniya Me Aman o Aman Ka Mahoul Ho Jayega.

♥ In’sha’Allah-ul-Azeez !!!
Allah Rabbul Izzat Hume Kehne Sun’ne Se Jyada Amal Ki Taufik Dey ,..

*APPEAL:* Yeh Message Whatsapp, Facebook etc Par Sabhi Ko Khoob SHARE Kijiye Aur Hamesha Jaari Rehne Wale Sawab-e-Jaariya Ke Haqdar Baniye

You might also like

Leave a Reply

Be the First to Comment!

avatar
wpDiscuz