Aqsar logo ka Akida

Aksar logo ka Bahana …. (must read)

“Arey miya hum Maantey hai ke Mazarparsti (Qabrparsti) ki Talim Islam me nahi milti!
– lekin aaj Aksar Log kayi zamane se karte aa rahe hai tou kya wo galat ho sakte hai ? ..”

*Masha’Allah ! Isi Tarha ke Jawabat Hume Logon se Miltey hai jab unse Pucha jata hai ke falah-falah amal jo Qurano Sunnat se Sabit nahi jisey aap Deen samjh ke karte ho Tou “Aksar Logo ka Bahana” batakar humare kayi hazrat apne aap ko sahi Sabit karne ki koshish karte hai ,..
*Tou Aayiye inhi Aksar logo ke Aqeede ka Mu’azna hum Quran ki Roshni me karte hai ,..

♥ Mahfum-e-Quran:
“Aksar log ilm nahi Rakhtey” – Al-Quran: 30:06
“Aksar log Iman nahi Laatey” – Al-Quran: 11:17
“Aksar log Zahil hai” – Al-Quran: 6:111
“Aksar log Humari Aayto se Gaafil hai” – Al-Quran: 10:92
“Aksar logo ko humne Fasiq aur Badd’kar hi Paya” – Al-Quran: 07:102
“Aksar log Iman laney ke bawajud bhi mushrik hai” – Al-Quran: 12:102

*Tou mere Azeezo ! jo Hazraat Aksariyat ke Akido ka hawala de kar
– Kitabo Sunnat ki Pakiza Shariyat se muhh mod letey hai ,.
– Shirk-o-Biddato ko Mamuli cheez samajh kar Apne Nabi ki Talimaat ko Ruswa karte hai ,.
Unhe ek baar apne Dil-o-Dimag se Sawal karna Chahiye ke Unhone
Allah aur Uske Rasool (Salallaho Alaihi Wasallam)” ka kalma padha hai
Ya “Aksar logo ke Naam ka” ? ….

♥ Allah Rabbul Izzat Hume Haq Kehne Sun’ne Samjh Ke Sath Amal Ki Taufik Dey …
– Hume Kitabo Sunnat Ka Muttabey Banaye …
– Jab Tak Hume Zinda Rakhey Islam Aur Imaan Par Zinda Rakhye…
– Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

🔖 Ummat-e-Nabi.com
🔖 Fb.com/HadiseNabwi

Views: 8711

Leave a Reply

Be the First to Comment!

Notify of
avatar

wpDiscuz