"the best of peoples, evolved for mankind" (Al-Quran 3:110)

⭐ Aapas me Ikhtelaf ka Anjaam – Ummate Muslima ke liye Aham paigaam

♥ Mafhoom-e-Hadees: Abu Soban (Razi’Allahu Anhu) se riwayat hai ke,
Rasool’Allah (Salallaho Alaihi Wasallam) ne Farmaya, Beshaq maine Apne Rab se Sawal kiya ke:
“Aye mere Rab! Meri Ummat ko Qahatsaali se halaq na karna,
inpar koi Gairmuslim dushman musallat na ho jo inki markjiyat ko bilkul Nesto-Nabood Karde!”
Allah Rbbul Izzat ne farmaya: “Aye Nabi (Salallaho Alaihi Wasallam) mere faislo me
koi Raddo-badal nahi ho sakta!
lekin Maine apaki ummat ke haq me ye dua kabool kar li hai,
ke inhe Qahatsali se halaq nahi karunga, aur naa inpar koi Gairmuslim dushman ko
musallat karunga jo inki jadey ukhad fenke,..
jab tak ke Aapki Ummat khud aapas me Qatlo garat na kare aur ek dusre ko kaidi tak bana le,..”
– [Sahi Muslim , Kitab ul Fitan 2889]

*Subhan’Allah !!! Aaj humey gour karna chahiye ke, jin halaat se hum gujar rahe hai uski aham wajah kya hai ?
– jab hum is sawal par gour karenge tab hume bas ek hi jawab milega,.. aur wo hai, deen se doori aur uski wajah se Musalmaano ke darmiyan Aapsi inteshar. Jabki Allah Rabbul Izzat ne Qurane Hakim ki Aayto me Is Ummat ko ek Aham nasihat karte hue farmaya:

♥ Al-Quran: “Aye Wo Logon Jo Iman Laye Ho!
Ita’at Karo Allah Ki Aur Ita’at Karo Uskey Rasool Ki ,..
Aur Aapas Me Ikhtelaf Paida Na Karna !
Agar Tum Aisa Karoge, Tou Tum Buzdil Bana Diye Jaoge,
Aur Tumhara Iqbaal Jata Rahega ,.. Aur Sabr Se Kaam Lo ,..
Ke Allah Sabr Karne Walo Ke Sath Hai,..”

– [Surah (8) Ayat 46]

*Tou beharhal agar hum chahte hai ke Duniya aur aakhirat ki ruswayi se bachey
tou hume chahiye ke Allah aur uske Rasool ki ita’at ko majbuti se thaam le,
– har kism ki Biddat aur Khurafat se bachey , Gairsharayi amal se ahtiyat kare,.
– aur Hum aapas me ek-dusre se ladne se baaz aajaye ,..
– Maslaqo aur firqo ki chingari ko jahalat me aisi hawa na dey ki,
us’sey bhadki Aag me koi aur apni rotiya senk jaye ,..

isi Baat ke Zeeman me EK Aalim hum sabko nasihat karte hue kehte hai ke:
Na Samjhoge tou Mitt Jaoge
Aye Is Dour ke Musalmano!
Tumhari Dastan bhi Na Rahegi
Dastano me ,…

*Subhan’Allah …

♥ In’sha’Allah ul Azeez !!!
– Allah Rabbul Izzat hum sabko hidayat dey,.
– hume ek aur nek banaye,..
– Jab Tak Hume Zinda Rakhey Islam Aur Imaan Par Zinda Rakhye…
– Khatma Humara Imaan Par Ho …
!!! Wa Akhiru Dawana Anilhamdulillahe Rabbil A’lameen !!!

You might also like

Leave a Reply

Be the First to Comment!

avatar
wpDiscuz