"the best of peoples, evolved for mankind" (Al-Quran 3:110)

⭐ 3 Qism ke Log Jin Par Farishte ne Lanat Ki aur Nabi (SAW) ne Ameen Kaha

♥ Mafhoom-e-Hadees: Ek Roz Aap (Salallaho Alahi Wasallam) jab Mimber pe chadhe to pahle kadam pe Aameen kaha, fir dusre Qadam pe bhi Aameen kaha aur teesre Qadam pe bhi Aameen kaha.

Tou Sahaba (RaziAllahu Anhuma) ne iski wajah puchi Tou fir Aap (Salallaho Alahi Wasallam) ne irshad farmaya ki:

1. Pahle kadam pe Jibreel (Alaihi Salam) ne kaha ki: “lanat ho us shaks par jisne Ramzaan ka mahina pa kar bhi Allah ki bakshish na pa saka.” Phir Aap (Salallaho Alahi Wasallam) ne aameen kaha.

2. Fir dusre kadam pe Jibreel (Alaihi Salam) ne kaha ki: “Lanat ho us shaks par jisne Aap (Salallaho Alahi Wasallam) ka naam suna aur Aap par durood o salam na bheja”,.. fir Aap (Salallaho Alahi Wasallam) ne aameen kaha.

3. Aur teesre kadam pe Jibreel (Alaihi Salam) ne kaha ki: “Lanat ho us shaks par jisne Apne Maa-Baap ko budhi umr me paa kar bhi jannat hasil na kar saka.”. Aur fir Aap (Salallaho Alahi Wasallam) ne kaha aameen.

– (Ibne Habban, 3/188)

 

# Wajahat:

Is Ahadees e Mubarak se Ye Baat wajeh hoti hai ke

  1. Ramzan ke Mukaddas mahine me bhi Ibadat se mehroom rahne wale shakhs par Allah ki lanat hai.
  2. Nabi-e-Kareem (Salallahu Alaihi Wasallam) ke zikr par  Aap Par Durudo Salam na bhejne wale par bhi Allah ki Lanat hai.. aur Sabse chota Durud hai “Salallahu Alaihi Wasallam” lihaja hume chahiye ke Jab bhi hum apne Nabi Ka Naam Sune Ya kahe tou kum se kum sath me Salallaho Alahi Sallam tou hum jarur kahe.
  3. aur Tisre kism ke wo log hai jinpar Allah ne lanat farmayi wo jisne Apne Maa Baap ko budhi umr me paya lekin unki khidmat se Mehroom rehkar Apne Rab ko Razi na kar saka.
You might also like

Leave a Reply

Be the First to Comment!

avatar
wpDiscuz